Escola Oficial de Idiomas de Ourense

INFORMACIÓN SOBRE KA2-FAMILY LEARNING.

 Programa Europeo no que participa a EOI Ourense e outras institucións. Publicamos este boletín en inglés e galego. 

A EOI aposta polos Programas Europeos Erasmus +
A Escola Oficial de Idiomas de Ourense acadou a acreditación Erasmus + e comeza unha campaña de recollida de axuda humanitaria para o pobo turco. Contáronolo en Más de Uno Ourense os docentes Peile Lin, Alba Ramos, Carmen Rodríguez e Alicia del Río. 

Para celebrar os Erasmus Days achégate ao noso novo recuncho Erasmus+. Ponte cómodo e infórmate dos proxectos Europeos nos que participa a túa EOI.

Reunión das participantes en Proxectos Europeos na EOI Ourense en setembro 2022.

Reunión en setembro 2022 na EOI de Ourense para organizar a difusión dos proxectos europeos

Durante o curso académico 2021-2022  aprobáronse dous novos proxectos europeos para a EOI de Ourense.
Un destes proxectos é unha asociación de aprendizaxe sobre a metodoloxía da aprendizaxe en familia. A primeira reunión terá lugar en Grecia na segunda semana de setembro. Nesta reunión imos escoller un logotipo para o proxecto, que será utilizado como parte da identidade gráfica do mesmo.
Por este motivo, informamos a toda a comunidade educativa  da posibilidade de achegar unha ou varias propostas de logotipo que serán analizadas en Grecia xunto coas propostas de Grecia, Turquía, Estonia e Italia.
A condición para achegar propostas é pertencer á comunidade educativa da escola no curso 2022-2023 a data 7 de setembro.
O logotipo ten que ter as seguintes características:

1.     Debe estar relacionado coa temática do proxecto.
2.     Debe achegarse en formato vectorizado.
3.     Debe ter fondo transparente.

As propostas enviaranse ata o 7 de setembro ao enderezo electrónico da escola: eoi.ourense@edu.xunta.gal co asunto LOGOTIPO APRENDIZAXE EN FAMILIA.

VIDEO EXPLICATIVO SOBRE PROXECTOS EUROPEOS DA EOI OURENSE