Club de ciencia
Mércores, 16 de novembro, 2022.
Na sesión do club de ciencia de ESO o alumnado de 3º e 4º ESO experimentou coa densidade e onde se depositan os distintos obxectos introducidos unha vez feita a columna de densidades.
Mércores, 16 de novembro, 2022
O club de ciencia en colaboración coa biblioteca segue a celebrar o Mes da Ciencia en Galego nas Bibliotecas, esta semana foi a quenda do alumnado de 5º EP (o luns, 5º A EP; o mércores, 5º B EP) co obradoiro Coas mates pódense gardar segredos, co cal coñeceron o código César e aprenderon a codificar e descifrar mensaxes.
Xoves, 10 de novembro, 2022
Co gallo do Mes da Ciencia en Galego nas Bibliotecas
o alumnado de 6º EP do club de ciencia experimentou coa densidade, actividade moi vencellada co PDI deste ano Eureka! Inventos, inventores e inventoras.
Ver o álbum e vídeo da actividade.
Mércores, 19 de outubro, 2022.
Hoxe tivo lugar a primeira reunión do club de ciencia de ESO, foi a quenda do alumnado de 1º e 2º ESO.
O PDI do centro este ano leva por título Eureka! Inventos, inventores e inventoras, por ese motivo a primeira actividade foi experimentar coa densidade. Visionamos un vídeo sobre Arquímedes, creamos unha columna de densidades e investigamos a ver onde se depositaban os distintos obxectos introducidos unha vez feita a columna.
Club de ciencia: Curso 2022-2023
Anónimo — 19 Septembro, 2022 - 20:52
Luns, 19 de setembro, 2022.
Empeza un novo curso e con el as actividades do club de ciencia.
O alumnado de ESO interesado pódese anotar nas súas aulas de ciencias ou falar con Óscar (coordinador do club e profesor de bioloxía), Irene (bioloxía), Raquel (física e química) ou Merce (matemáticas).
Martes, 22 de xuño, 2022.
En 5.º de Educación Primaria para rematar o curso o día 21 de xuño realizaron dous obradoiros:
- separación de disolucións por evaporación de cristais de azucre - sal - café.
- experimento de flotabilidade.
Luns, 20 de xuño, 2022.
As últimas semanas de xuño o alumnado de 4º EP realizaron dous obradoiros:
- erupcións volcánicas.
- slime.
Mércores, 25 de maio, 2022.
As sesións dos mércores do club de ciencia de secundaria dos meses de abril e maio estiveron adicadas á cociña molecular, nelas o alumnado de 1.º, 3.º e 4.º de ESO realizaron esferificacións con agar-agar e con alginato.
Sábado, 14 de maio, 2022.
O pasado mércores 11 de maio para celebrar a Semana Escolar das Matemáticas a sesión do club de ciencia estivo destinada ao alumnado de 2.º ESO co obradoiro Coas matemáticas pódense gardar segredos, no cal aprenderon como utilizar o código César para descifrar e codificar mensaxes.
Sábado, 14 de maio, 2022.
Celebramos a Semana Escolar das Matemáticas do 9 ao 13 de maio con obradoiros organizados polo profesorado de matemáticas do club de ciencia e dirixidos ao alumnado de primaria: xogos de cartas, construcións de figuras xeométricas, cálculo, lóxica, programación, robótica...
Podedes ver todas as actividades realizadas no Instagram da Quinta dos Libros.
Aquí podedes ver o obradoiro levado a cabo co alumnado de 5.º e 6.º de EP: construír un metro cúbico.
Actualizado: podedes ver aquí todas as fotos das actividades realizadas.