Un ano máis os proxectos de lingua inglesa decoran os taboleiros do noso centro.

O alumnado de 1° de ESO se nos presenta en secundaria ó empezar esta nova etapa á vez que nos amosan  as súas deliciosas mascotas.

Foi un traballo moi laborioso pero que foi tomando forma con moito esforzo.Nel reforzamos vocabulario e estructuras gramaticais cada vez mais complicadas e manexamos ferramentas dixitais na creación de pósters  online

Próximamente vos compartiremos outros proxectos.

Esta semana tivemos os apadriñamentos lectores, cos alumnos e alumnas de 5º Ed. Primaria e 5º Ed. Infantil. Estamos moi contentos de que nos veñan a ler os nosos padriños e madriñas.

O departamento de inglés entregou aproveitando a celebración  do magosto os premios do concurso de Halloween que nesta ocasión  estivo centrada no deseño de escobas de meiga.

As premiadas foron:

1° premio:Sabela Palmeiro de 1° de ESO

2° premio: Carla... de 1° de ESO

3° premio: Ceibe Gil Fdez- Coronado.

A nosa auxiliar de conversa Ritu Chopra fixo entrega dos diplomas e vales.

Aproveitamos o evento para ,dende o departamento de Plástica, deseñar  rangoli no chan  con luces de benvida conmemorando a festividade India de Diwali.

Fusionamos deste xeito tres culturas, a galega,a inglesa e a India nun  encontro festivo de toda a comunidade  educativa.

Noraboa ás gañadoras.!!

O alumnado de 6º participou no Encontro Digital Week que se celebrou o 7 de novembro na Cidade da Cultura en Santiago de Compostela.

Alí viron novamente a algúns dos compañeiros da Digital Week que se celebrou en outubro no Centro de Inmersión Lingüística dos Peares.

Ademais asistiron á conferencia-coloquio de Deborah García Bello e Manuel Vicente. Un alumno do noso centro gañou un libro por facer a pregunta que máis lle gustou á conferenciante: "De que está feito o universo?"

Posteriormente tiveron un pequeno recreo con merenda e a continuación un taller de programación con Makey Makey que foi moi entretido.

Finalmente, no salón de actos, viron un vídeo no que os seus monitores e profesores do campamento dos Peares lles transmitiron moi bos desexos.

Pódese dicir que foi unha mañá intensa e ben aproveitada!

Agradecemos a colaboración das familias neste concurso e exposición de Halloween que seguimos podendo contemplar nas entradas de Infantil e Primaria e de Secundaria. Proximamente coñecesremos os gañadores do concurso de secundaria.