VERBAS ESQUECIDAS
Xa está funcionando o noso blog: Verbas Esquecidas.
Nel recollemos as palabras da zona que están caendo en desuso. Agardamos que nos enviedes as que atopedes a esta dirección de correo electrónico:
parrula66ster.cpidecastroverde@blogger.com
Se queredes enviar foto ou debuxo tedes que pegalo no texto da mensaxe.
ABRAPALABRA
O 25 de xaneiro o mago Carlos Coria fíxonos rir a gargalladas co seu espectáculo de maxia ABRAPALABRA. Como podedes comprobar nas fotos, non nos aburrimos nada. E ademáis regalounos un libro a cada un para que poidamos aprender a facer os seus trucos e moitos máis.
NADAL 2010
O 22 de decembro celebramos o inicio do nadal coa celebración dun festival no que houbo teatro, panxoliñas, chistes e incluso receitas. Cando rematamos disfrutamos dun xantar especial con marisco, pizza e postres típicos destas datas.
Excursión á Ribeira Sacra á través do programa km 0
O día 17 de novembro de 2010 os alumnos/as de 5º e 6º de primaria fixemos unha viaxe pola Ribeira Sacra a través do programa km 0 patrocinado pola Deputación de Lugo.
Fomos á zona do Saviñao, ao Ecomuseo de Arxeriz (dedicado en gran parte ás labores e apeiros da viticultura), ao mirador "O cabo do mundo", á praia da Coba onde embarcamos nunha zódiac polo río Miño ata a illa de Sernande e logo visitamos a igrexa de Chouzán.
Pola mañá visitamos o Centro de Interpretación do río Rato, así como fomos recibidos na Deputación pola Vicepresidenta Lara Méndez e a concelleira de Xuventude do Concello de Lugo.
Foi unha viaxe moi interesante onde vimos moitas cousas e o pasamos moi ben.