Skip to Content

ESO

De todas, ti es a preferida!

Lun, 2017-06-26 19:04 — secretaria

Cada ano son máis as linguas que están presentes no centro, ben como materias novas, ben como linguas iniciais do alumnado. Mais o galego é a lingua de comunicación no día a día de toda a rapazada e isto fai que a integración lingüística sexa moi doada e amena. Un paraíso lingüístico é o agroma ao redor do no noso CPI e así volo amosamos a través deste vídeo elaborado pola alumna de 4º ESO, Sheila Almeida, no que como ben din os/as protagonistas:

 De todas, ti es a preferida!

                                                                         

Visita á TVG e á Cidade da Cultura

Xov, 2017-06-15 08:19 — secretaria

Os departamentos de Bioloxía e Xeoloxía e Lingua Galega e Literatura organizamos o pasado martes 13 de xuño unha saída co alumnado de 4° ESO para visitar as intalacións da TVG en San Marcos, o Bosque de Galicia e a exposición "Da árbore á cadeira da Cidade da Cultura. Durante a mañá, na TVG, o alumnado asistiu á retransmisión en directo no plató do programa "Bos días" e visitou a oficina do programa "O Tempo" onde dúas das súas presentadoras, Mabel e Ana Celia, lles explicaron as ferramentas que empregan para elaborar as súas prediccións a partir da información que lles proporciona MeteoGalicia. Pola tarde, na Cidade da Cultura, pasearon polo Bosque de Galicia, que contén unha mostra representativa das principais especies autóctonas do país e un xardín literario e finalmente percorreron a exposición "Da árbore á cadeira" repasando os autores que estudaran na materia de Galego coa axuda da profesora e un guía.

A pesares de que comezamos con mal tempo foi un día moi proveitoso e desfrutárono moito, como podedes ver premendo nestas fotos ou visitando a nosa galería de imaxes.

                                                

Tamén vos deixamos un enlace á TVG na que falan da estancia dos/as nosos/as rapaces nas súas instalacións ( minuto 5,50): http://www.crtvg.es/informativos/mercores-con-calmuzo-e-algunha-tormenta

Plantación de árbores. 2017

Lun, 2017-06-12 08:27 — secretaria

O pasado xoves 8 de xuño continuamos coas actividades de conmemoración do Día do Medio plantando dúas árbores máis que foron doadas por Leonor Magariños. Trátase dunha Catalpa e un Alcanforeiro, dúas árbores de sombra que nos vindeiros días procederemos a etiquetar.

Unha vez máis, o alumnado participou activamente nesta iniciativa como se pode ver premendo nas seguintes imaxes ou visitando a nosa galería de fotos.

                                  

Dia do Medio 2017

Mar, 2017-06-06 08:15 — secretaria

Onte foi o Día Internacional do Medio e para celebralo no noso centro fixemos unha plantación simbólica de varias árbores (un carballo, un camelio doado por Leonor Magariños e seis castiñeiros) co alumnado de 3° ESO durante o segundo recreo . Ademais etiquetamos ditas árbores cos seus correspondentes nomes científicos, en galego, portugués, castelán, inglés, francés, rumano e árabe, grazas á colaboración do profesorado dos respectivos departamentos de galego, inglés e francés, e ao alumnado do centro de orixe árabe e rumano, especialmente a Sabir Sabir e Danyna Stoian.

Ao longo de toda a semana seguiremos festexando esta conmemoración etiquetando durante os recreos todas as árbores do centro coa participación do alumnado de todas as etapas educativas. Velaquí unhas fotos que ilustran a xornada.

Xuntanza Dragal 2017

Xov, 2017-06-01 08:58 — secretaria

Onte, mércores 31 de maio, o alumnado da ESO puxo fin ao Proxecto Dragal da Secretaría Xeral de Política Lingüística cunha gran xuntanza, xunto con outros cinco centros educativos cos que levan traballando nas actividades e obradoiros desde principio de curso.

A través dun xogo de rol, mergulláronse polo Pico Sacro como mensaxeiros e mensaxeiras da Fraternidade de Dragal na procura das moedas e pezas para atopar o medallón segredo.

Tras superar varias probas de toponimia, retos de habilidade e dialéctica, e así demostrar que coa lectura tamén se pode xogar, o noso alumnado resultou campión do xogo e, polo tanto, foron coroados/as como cabaleiros e donas da Orde de Dragal. Ademais, Roi Fandiño de 1º ESO foi o vencedor do concurso da viñeta coa que se elaborou unha banda deseñada colectiva.

Un día moi emocionante e construtivo xa que a partir da lectura dun libro vivimos moitas aventuras na nosa lingua.

Premede na imaxe ou visitade a nosa galería de fotos e veredes algúns momentos da xornada.

                                                   

 https://www.edu.xunta.gal/portal/node/22255 

FUTBOL FEMININO 2017

Mar, 2017-05-30 12:29 — secretaria
O pasado xoves, 25 de maio, as alumnas da ESO xogaron un partidos de fútbol contra as profesoras para despedir a súa adestradora Celina Valencia.

Celina, auxiliar de conversa de inglés en primaria, estivo a adestrar ás alumnas do centro no programa de recreos activos do proxecto deportivo de centro. Este proxecto tivo moito éxito entre as alumnas de secundaria e fixolles moita ilusión poder xogar contra a súa adestradora.

Aquí tendes o enlace ao video e fotos deste encontro.

       

                               FOTOS                                                                                    VÍDEOS

Estadía en Hastings 2017. 3º ESO

Mar, 2017-05-30 11:19 — secretaria

Nove estudantes de 3º de ESO viaxaron á cidade inglesa de Hastings co profesor Manuel Rodís.  Alí fixeron un curso de inglés e aloxáronse en casas de familias coñecendo máis de cerca a forma de vivir do país.  Ás veces a experiencia foi dura para adaptarse aos costumes, á comida, ... pero tamén houbo tempo para pasalo ben.  Polas tardes tiveron actividades variadas e na fin de semana foron á cidade turística de Brighton e a Londres.

Premede nas imaxes para ver unhas fotos da experiencia vivida ou visitade a nosa galería de fotos.

          

Inspeccion de primavera ESO. Proxecto Ríos 2017.

Lun, 2017-05-29 08:07 — secretaria

O pasado martes 23 de Maio achegámonos co alumnado de 4º ESO até o río Gallo ao seu paso pola vila de Cuntis para levar a cabo a inspección de primavera da man da asociación ecoloxista ADEGA. Este alumnado guiado polo coordinador do Proxecto Ríos, Paco Bañobre, e a profesora de Bioloxía do centro, levou a cabo unha serie de actividades como a recollida e posterior identificación de macroinvertebrados (que son bioindicadores da calidade da auga), e a medición de parámetros físico-quimicos: pH, osíxeno e nitratos, que en conxunto determinaron o moi bo estado de saúde no que se atopa o río.

Premede na imaxe para ver unha mostra do ben que o pasaron e o moito que traballaron…

         

Obradoiro de Poesía con Yolanda Castaño. 3º e 4º da ESO

Xov, 2017-05-18 13:39 — secretaria

Pensando nese día das Letras Galegas que só homenaxeou tres mulleres en 64 anos, a Concellaría de Igualdade do Concello de Cuntis trouxo á poeta Yolanda Castaño ao noso centro para que se contase ao alumnado de 3º e 4º da ESO da cantidade de poetas con A maiúsculo que temos na literatura galega.

Premede na imaxe ou visitade a nosa galería de fotos para ver algunha das actividades que fixemos.

                                                          

ENTREGA DE PREMIOS DO CERTAME LINGUA DE NAMORAR

Lun, 2017-05-15 11:30 — secretaria

Esta pasada fin de semana tivo lugar a entrega dos Premios do Certame de Declaracións de Amor na rede Lingua de Namorar, organizado pola Secretaría Xeral e pola Dirección xeral de Xuventude, Participación e Voluntariado. A alumna do noso centro INES AMADO RODRÍGUEZ de 4º da ESO acadou o 2º Premio na categoría de alumnado de Educación secundaria coa mensaxe "Escribindo poesía". 

Unha vez máis, Moitos Parabéns Inés!!! Aquí vos deixamos uns enlaces da noticia á TVG e á páxina da xunta e Consellaría correspondente.

                                          

TVG: http://www.crtvg.es/informativos/lingua-de-namorar

Distribuir contido


by Dr. Radut