Gatuxo.Teatro musical para Infantil en Pontevedra.

Na mañá de hoxe o alumnado de Educación Infantil do noso centro xunto cos compañeiros/as da Escola Unitaria de Arcos de Furcos fomos de viaxe a Pontevedra a desfrutar dunha representación de teatro musical titulada GATUXO; dende a perspectiva dunha pequecha chamada Gatuxa, a súa familia e o seu inseparable amigo de trapo Gatuxo percorremos todas as etapas do crecemento dos cativos e cativas, con ela aprendemos a comer sós/as, descubrimos o sorriso, comezamos a gatear e pronunciar os primeiros sons e palabras, os primeiros pasos... e todo isto sen parar de cantar e bailar.

Sacamos unhas poucas fotos para traballar na aula e para lembrar esta mañá tan divertida que coma sempre podedes ver premendo nestas imaxes ou visitando a nosa galería de fotos.

           

Obradoiro dos Maios 2017.

O alumnado de primeiro, segundo, terceiro e cuarto de Primaria participou dun obradoiro de creación de Maios e bailes típicos coa colaboración dunhas monitoras que achegaron esta tradición aos nosos rapaces e rapazas. Dividos en dous grupos por cada sesión coñeceron as carácterísticas desta festa, como se leva a cabo, como se elaboran os Maios e fixeron un; seguidamente pasaron polo salón de usos múltiples e aprenderon varias cancións e bailes tradicionais guiados/as polas monitoras e a música que traían.

Coma sempre podedes ver unhas fotos premendo nestas imaxes ou visitando a nosa galería de fotos.

           

Festa da Lingua 2017

Hoxe o alumnado do centro participou na Festa da Lingua en Portas, organizada pola Coordinadora comarcal dos Equipos de dinamización da lingua do Umia. Puideron gozar das actuacións musicais dos demais centros escolares e das creacións gañadoras dos concursos de micropoemas e microrrelatos. A nosa alumna Inés Amado Carballo, de 4º ESO, foi a seleccionada na categoría C2 (3º e 4º ESO) de entre todos os centros da comarca do Umia. Foi unha xornada de convivencia coa lingua galega como fío contudor. Parabéns a Inés e a todo o alumnado dos demais centros.

Coma sempre, premede nas imaxes ou visitade a nosa galería de fotos para ver como se desenvolveu a xornada.

                             

Día do Libro na Biblioteca. 2017

Para conmemorar o Día do Libro, desde a Biblioteca convidamos ao profesorado a compartir con toda a comunidade educativa a súa biografía lectora. Cada un dos mestres/as e profesores/as participantes elaborou unha pequena biografía lectora en forma de mural que despois expuxemos no corredor principal do centro para animar a todo o alumnado a mirar e tratar de adiviñar de quen é cada unha das lecturas.
Din que podemos coñecer a unha persoa a través dos seus libros preferidos. Así que non será tan difícil adiviñar que profesores/as están detrás de cada mural.

Premede na imaxe e botádelle un ollo a todo. Para a semana, as votacións do concurso: quen é quen?

                                     

Obradoiro e Contacontos con César Cambeiro. Dragal 2017

Os dragóns continúan no noso centro e desta volta reviviron, xunto con cabaleiros e doncelas medievais, grazas ao contacontos e actor César Cambeiro, que na tarde do martes 25 actuou ante o alumnado da ESO.

A rapazada, moi curiosa e atenta, participou na posta en escena e aprendeu a compoñer regueifas e así enfrontarse verbalmente ante os contrincantes.

Esta visita forma parte do Proxecto Dragal da Secretaría Xeral de Política Lingüística no cal estamos a participar xunto con outros cinco centros de toda Galicia. O 31 de maio coñeceremos os dragaliños e dragaliñas dos demais centros educativos cos cales simularemos ser cabaleiros e doncelas reais nun xogo de rol no Pico Sacro. Agardamos con moita ansia ese encontro.

Aquí vos deixamos algunhas fotos da actuación con César Cambeiro.

                                     

Educación Física na rúa

Alumnado do noso centro, acompañado polo profesorado de educación física e algúns titores, participou na conmemoración do 25 de abril + EF! , Día da Educación Física na Rúa.

A intención da xornada era dar visibilidade á materia de educación física. Esta actividade permitíramos concienciar a toda a comunidade educativa da necesidade de incrementar o número de horas semanais de educación física no ensino obrigatorio como medida para evitar o sedentarismo e mellorar a saúde do alumnado. Na Praza da Constitución de 12:30 a 13:30 realizaron xogos, bailes e actividades que  pretendían ser unha pequena mostra dos contidos impartidos en nesta área. Agradecer ao Concello que colaborou con nos prestándonos a megafonía.

Premede nas imaxes ou visitade o blogue de Educación Física para ver unhas fotos da xornada.

             

Semana do libro 2017

Na semana o 18 ao 21 de abril o alumnado de Educación Infantil celebrou a Semana do Libro cunha actividade diferente: un convite ás familias dos nosos/as cativos/as para compartir con nós a lectura dun conto que lles gustara ou dunha historia que lles lembrase algo especial. 

Moitas grazas aos papás e mamás por vir contarnos as vosas historias, compartir con todos un chisquiño do voso tempo e facer desta actividade unha experiencia tan bonita para os/as vosos/as fillos/as.

Premede nestas imaxes para ver algún dos momentos que vivimos nas nosas aulas.

   

    

Saída a Pontevedra. Teatro Fetén, Fetén.

O alumnado de 5º e 6º de primaria asistiu o xoves aLa maravillosa historia del violín trompeta” de Fetén Fetén no auditorio Afundación de Pontevedra. Neste espectáculo recórrense as diferentes culturas e ritmos da música popular europea do s.XX, pero ademais, pódense ver como vasoiras, serras, utensilios de cociña, cartóns de leite... se convirten en instrumentos musicais.

Despois do teatro, visitamos a exposición fotográfica «Oficios entre lusco e fusco» no Café Moderno. O obxectivo desta mostra é reflexionar sobre a desaparición de moitos oficios pola mecanización do traballo e a produción en masa. Tamén realizamos un obradoiro de tipografía.

Premede na imaxe e poderedes ver algunhas fotos da saída.

                                

Intercambio co IES La Vaguada de Zamora

Estes días de abril, do 19 ao 21, foron os/as profesores/as do noso centro os/as que visitaron o IES La Vaguada de Zamora co que estamos a participar nun intercambio sobre INNOVACIÓN METODOLÓXICA no marco do Programa Observa_Acción, que organizan as Consellarías de Educación de Castela León e Galicia, para o que foi seleccionado o noso centro canda outros 4 de Galicia.
Premede na imaxe e veredes unha referencia da prensa zamorana:

                  

RCP na aula

Este martes 18 de abril profesorado e familias compartiron unha xornada de formación en primeiros auxilios no noso colexio. Velaquí vos deixamos unhas fotos da xornada organizada polo departamento de Educación Física e un enlace ao blogue deste departamento onde podedes consultar máis actividades que estamos a facer no centro.

                                                        

https://cuntiscaminodesaude.wordpress.com/2017/04/19/rcp-na-aula/

Distribuir contido