Inicio » Blogues

blogue deadmin

Dia das bibliotecas

Esta semana celebramos o día das Bibliotecas Escolares, coa lectura das novidades que temos na nosa Biblioteca "Jean Georges Noverre".
Dende a dinamización da biblioteca propúxose a actividade de ivestigar e ler libros relacionados co nome das nosas aulas, adicadas a personaxes da danza.
"Nalgún lugar dun libro hai unha frase esperándonos para darlle sentido á existencia". Miguel de Cervantes.

Obradoiro con Sofía Kafol

Grazas á programación expandida das residencias artísticas @atopemonosbailando, onte, os alumnos de 5° e 6° de ambas especialidades desfrutarán dun obradoiro de improvisación a cargo da artista residente Sofía Kafol.

Premio para Álex!

O noso alumno @aleexcasal  ven de obter o primeiro premio no Concurso Nacional de Danza na sua fase internacional en Bélxica, na categoria de solo. Participou coa escola  @estudiodedanzaallegro de Ferrol, cunha  coreografía da tamén exalumna do Cdan, Sabela Adalid. Ledicia por partida dobre

Parabéns Sabela e Alex! Que sigan os éxitos!

Ver: https://www.instagram.com/reel/CkMTauAp-oY/?utm_source=ig_web_button_share_sheet

Retomamos as colaboracións!!!!

Puede ser una imagen de 12 personas, personas de pie e interior"Universo Reich" é un proxecto pedagóxico colaborativo desenvolvido por alumnado de escenografía e deseño audiovidual, danza contemporánea e música da Escola Superior de Arte e Deseño Ramón Falcón, do Conservatorio Profesional de Danza de Lugo e da Academia Internacional Cardinais 2022/2023 de Vertixe Sonora, respectivamente.
 
Tomando como punto de partida a lexendaria peza musical de Steve Reich Music for 18 Musicianse a través da metodoloxía Art Thinking,dito alumnado levará a cabo unha proposta artística propia coa coordinación do profesorado das tres institucións en diferentes sesións de traballo conxunto e individual.
 
A creación resultante será presentada en abril de 2023 no Auditorio Gustavo Freire de Lugo, frutificando desta forma unha experiencia artística sen precedentes no ámbito educatico galego.
 

Benvida curso 2022/23

Benvida ao curso 2022/23

Como directora do Conservatorio Profesional de Danza de Lugo gustaríame darvos a benvida a toda a comunidade educativa do centro a este novo curso que se presenta cargado de novidades, no que participaremos en distintos proxectos e retomaremos moitas das actividades que non se puideron facer nos últimos tempos debido ás restricións sanitarias.

Inicio este camiño como directora do CDAN Lugo con ilusión e moitas ganas, acompañada por un equipo directivo, un claustro e un persoal non docente altamente comprometido co traballo. Xuntos trataremos de ofrecer os medios e establecer as estratexias para facilitar as aprendizaxes e sacar adiante a mellor formación para os futuros profesionais da danza; potenciando as súas habilidades técnicas e artísticas e contribuíndo ao seu desenvolvemento integral.

Iniciamos o curso co desexo de que veña cargado de moita danza, tanto dentro como fóra das aulas.
 
Cristina Lata Villoch
Directora CDAN Lugo

Distribuir contido