Semana das Letras Galegas

Un 20 de marzo de 1963 Francisco Fernández del Riego, autor homenaxeado este ano nas Letras Galegas, propón instituír o 17 de maio, coincidindo co centenario da edición do libro Cantares Gallegos de Rosalía de Castro (17 de maio de 1863), como Día das Letras Galegas. A súa proposta foi aprobada, e dende entón cada 17 de maio homenaxéase un autor ou autora que defendera o noso idioma e a nosa cultura. Para recordar aquela data e a Rosalía de Castro o alumnado xunto coa comunidade de montes plantará 2 camelias hibridas Rosalía de Castro. Esta camelia foi creada en honra da poeta pola casa portuense Moreira da Silva.

Para conmemorar este ano a Francisco Fernández del Riego nesta celebración do 17 de maio, o alumnado do CEP Xosé Neira Vilas realizará unha andaina dende o centro ata o Bosque da Lingua, xestionado pola Comunidade de Montes de Couso. Realizarase unha visita guiada e asistirán as dúas actuacións de Contacontos musicados, martes e xoves, a cargo de Iseo Agilda a partir das 11 da mañá.

Dende o centro queremos manifestar o noso agradecemento á comunidade de Montes de Couso pola oferta desta actividade e o seu cargo económico.