Animación á lectura

Hoxe, no Día Mundial da poesía , todo o alumnado do centro acudíu á Sala de Usos Múltiples. Alí dous alumnos de cada aula, en representación dos seus compañeiros, foron lendo poemas de Rosalía de Castro e de Ramón Cabanillas. Para rematar o acto un alumno de primeiro recitounos un poema que o seu avó compuxo adicado a Ramón Cabanillas e que tiña moi ben memorizado. Antes de irnos de novo ás aulas a Xefa de Estudio recordoulles aos alumnos/as que mañá, 22 de marzo, remata o prazo para presentar poemas do VIII Concurso "O latexo das verbas".

Miguel Anxo Fernández, autor de "O sabre do francés" e da saga da novela detectivesca do seu protagosnista Frank Soutelo volverá estar connosco o mércores 26 a partir das doce. Falaranos da claves que nos levan a sermos escritores e tamén nos lerá o conto que creou para o Manifesto do proxecto de fomento do galego neste curso.

Hoxe estamos de parabéns. O alumnado de 5º e 6º mergullarase na maxia dos soños e os contos e aprenderán como crear historias fantásticas da man de Abraham Carreiro e do seu libro "Xoeliki".Podedes coñecer máis de Xoeliki na ligazón http://www.xoeliki.com

Continuando coa experiencia iniciada do curso pasado, podemos disfrutar dunhas estupendas sesións de contacontos grazas a colaboración de mestres, este ano do colexio de Vilariño, que nos agasallan coa maxia das palabras. Desta volta serán os alumnos e alumnas de 1º os que van poder disfrutar destes momentos tan especiais arredor dun libro e da palabra.