Horta

Os máis pequenos do cole na horta

Xov, 28/11/2013 - 14:04 — Anónimo

Aproveitando o respiro que nos ofreceu estes días o tempo, os nenos de E. Infantil desafiando o frío foron os primeiros neste curso en acudir á horta do colexio para plantar bulbos de flores: tulipáns, iris e narcisos. Agora toca esperar a que agromen e poidamos observalos como medran e florecen recreándonos a vista co seu colorido.

Eles puxeron toda a atención e fixérono con moito amor, aínda que lles costa un pouquiño mancharse as mans coa terra. Imos ver unhas imaxes para percatarnos do interese que puxeron.

A HORTA VOLVE PRODUCIR

Mér, 14/11/2012 - 11:52 — rociocn

Este curso o traballo na horta comeza cunha novidade: a elaboración de “compost”. Trátase de reciclar o lixo orgánico producido nos recreos e noutras actividades do centro para obter abono orgánico para a horta.

Un grupo de nenos/as de 6º recolleu información e elaborouse un dossier para infomar a tódalas clases. Despois disto, fíxose unha campaña con “eslogans” creados polos nenos/as para animar a separar e reciclar o lixo.

O eslogan ganador foi o da clase de E. Infantil: 4 anos A.

O QUE SAE DA TERRA,

VOLVE A ELA.

HORTA 2011-2012

Ven, 15/06/2012 - 13:30 — Anónimo

HORTA 2011-2012

Non queremos rematar o curso sen amosar o aspecto da horta na web do centro para que tódolos pais/nais a poidan observar.

A HORTA A PLENO RENDEMENTO

Mér, 01/06/2011 - 10:41 — Anónimo

A HORTA A PLENO RENDEMENTO

Coa chegada da primavera a nosa horta renovou o aspecto e foi enchéndose de cultivos pouco a pouco: patacas para cedo, brócoli e coliflor.

Máis adiante arrincamos as coles e plantamos a horta para ter verzas e tamén plantamos os allos.

Agora temos tamén tomates e pementos (a segunda remesa porque a primeira secou), e xa plantamos (e naceron moi ben) as cabazas para o Samaín do próximo curso.