Na semana do Entroido despedimos a estas dúas profesoras, moi queridas no noso centro, no que permaneceron 12 anos.
Un evento sinxelo pero moi emotivo tivo lugar o martes 26 de febreiro no patio, despois do recreo: todo o persoal do centro recibímolas cun grande aplauso e con acompañamento musical por parte do profesor de Música Fran (coa gaita) e dous alumnos de 4º (con caixóns).
Representantes do alumnado entregáronlles agasallos elaborados nas aulas. Anxo, alumno de 4ºA, entregou a Ana un biscoito que preparou con moita ilusión e que a continuación se compartiu tamén con Fina, titoras e alumnado de 4º.
Toda a comunidade educativa do CEIP Recimil desexámoslles moi boa sorte nesta nova etapa!
UNHA APERTA MOI ESPECIAL PARA FINA DOS NENOS E NENAS DE 6ºA!
UNHA APERTA MOI ESPECIAL PARA ANA DOS NENOS E NENAS DE 4ºA!
Premer na imaxe para ver as fotos na galería.