Despois dun intenso curso, por fin chegan as vacacións. Para entretervos nos momentos de lecer e descanso, aquí tedes unha guía de lectura que vos acompañará este verán.

Bo día!

Temos boas novas! Xa a piques de rematar o curso chegaron novos  libros á nosa Biblioteca!

Se che gustan os libros de animais estás de sorte, pois hai unha morea de libros interesantes.

Anímate tamén  a coñecer as novas aventuras contadas por Greg, amplíase a colección do “Diario de Greg” .

E... ademais outros títulos interesantes sobre música, aventuras, o universo...

Bótalle un ollo ao andel de novidades!!

Sabiades que  Xela Arias Castaño  foi unha  importante escritora, poeta e tradutora lucense que escribiu en varios idiomas? E que ademais foi editora e profesora de lingua galega?

Pois ben, este ano a  Real Academia Galega acordou dedicarlle o Día das Letras Galegas que, como ben sabedes, celébrase o vindeiro luns 17 de maio. 

Ademáis de escribir libros para adultos , traduciu á lingua galega unha morea de libros interesantes para nenos e nenas. Moitos deles están na nosa biblioteca! Non deixedes de pasar por alí! Aquí vos mostramos algúns dos títulos…

Velaquí un novo número da nosa revista escolar, Andoriña. Preme na imaxe para entrar. Que a disfrutedes!

      Seguimos celebrando o "Día do libro" con máis contos. Nesta ocasión trátase dunha historia "cunha cor especial", unha versión do libro, O pito Cairo, realizada pola profe de A.L. e o alumnado de 2º B. A ver se vos gusta!

      O pasado día 23 de Abril celebramos o "Día do Libro". Para iso o equipo de Voluntariado de 6º de E. Primaria ofreceu un conto no Kamishibai ao resto do alumnado. Respectando o protocolo covid, os nenos e nenas do centro foron pasando polo corredor de entrada ao cole, onde puideron desfrutar do conto "Por que hai tantas pedras no fondo dos ríos?".

      Aínda que foi unha celebración diferente, as voluntarias deron o mellor de si para achegar os libros a todos e todas.

Ola chic@s!

Aquí vos deixamos as últimas NOVIDADES chegadas á nosa BIBLIOTECA.

Hai alguén interesado en coñecer os "Guinness dos récords 2021"?

Tamén continuamos coa colección do "Diario de Greg" Nos vos perdades os últimos capítulos!

E non podían faltar libros de poemas, de misterio... en lingua  galega, castelá e tamén en inglés.

Anímadevos a pasar polo noso andel de Novidades!!

Por aquí vos deixamos uns recursos para traballar a figura de Rosalía de Castro. O día da súa conmemoración será o vindeiro 24 de febreiro. 

Este é un curso complicado para toda a comunidade educativa. A miúdo atopámonos cansos, preocupados, nerviosos...  e aínda así, en moitas ocasións sacamos a noso mellor sorriso ou as nosas mellores verbas , simplemente para facer o día máis agradable as persoas que temos ao lado.

Finalmente a través do proxecto do cole “Construímos?” convertemos os valores aprendidos en ladrillos brancos cos que construímos unha casa.  Este espazo representa o noso fogar, o noso centro, a nosa vila, a nosa comunidade... E todo grazas aos  alumnos  e  alumnas do cole que son e serán os verdadeiros construtores dun MUNDO EN PAZ!!!!