DÍA DO LIBRO
Dentro do proxecto “Así convivimos no CEIP de Randufe....” , este ano, quixemos conmemorar o Día do Libro coa celebración dunha SEMANA INTERCULTURAL.
O respecto á diversidade é esencial para acadar una convivencia pacífica, e tendo en conta os dramas que estamos vivindo actualmente no mundo, quixemos aproveitar a diversidade cultural que existe no noso centro para poñela en valor.
De esta forma, elaboramos unha lista coas diferentes nacionalidades do noso alumnado e cada clase encargouse de facer un traballo de investigación sobre cada un dos países .
Finalmente prepararon uns "STANDS" para presentar o resultado que foron visitando todos os cursos!!!
Nestes vídeos podemos ver algúns deles!!!
O pasado día 19, o alumnado de 1º e 2º asistiu á Área Panorámica de Tui para celebrar o "Tui Le". Como levamos facendo nos últimos anos, xuntámonos cos colexios e institutos do concello de Tui para festexar a festa das letras e dos libros, contando ademais coa colaboración da Biblioteca Municipal e a Concellería de Ensino.
Intercambiamos libros, asistimos á actuación de "Pakolas e Laura Romero" e visitamos a exposición de carteis que fixo o alumnado participante.
Esperamos darlle continuidade a esta celebración e animar así a todos a que se acheguen ao fantástico mundo dos libros.
Hai uns días tivemos a sorte de contar coa visita de Sabela Gago e David Rodríguez, que nos contaron uns contos marabillosos.
Desfrutamos moito con eles!
O día 8 de marzo reunímonos para celebrar o Día Internacional da Muller.
Os voluntari@s de 6º de EP foron os encargados de guiar o acto e a canción de "Tataravoa" de Fillas de Casandra foi a elixida para conmemorar este día:
Este día non é só unha ocasión para lembrar os logros históricos das mulleres na loita pola igualdade de xénero, senón tamén aproveitamos para reflexionar sobre os desafíos que aínda enfrontan as nenas e as mulleres en todo o mundo.
Así, este ano as nosas conclusións quedaron plasmadas nestasbolboretas:
Finalmente compartir con todos e todas este DECÁLOGO realizado polos alumnos e alumnas de 3º de E.P:
Aquí temos ao noso alumnado desfrutando da obra de Rosalía de Castro no seu día e achegándose á poesía.
Xa temos aquí as últimas adquisicións da biblioteca. Esperamos que sexan do voso agrado e que desfrutedes con elas.
DÍA DA PAZ
Este ano, no Día da Paz plasmamos a DIVERSIDADE como un valor que enriquece as nosas comunidades e sociedades, achegando unha variedade de experiencias, coñecementos e habilidades. O respecto á diversidade implica aceptar e valorar as diferenzas, recoñecendo que cada persoa é única e ten algo único que achegar ao mundo.
Estes bonecos representan a importancia da coexistencia pacífica e respectuosa de diferentes culturas, razas, relixións, opinións…para acadar un mundo en PAZ.
Este é o froito dos OBRADOIROS DE TARXETAS DE NADAL. Para realizalas, empregamos papel reutilizado e anacos de cartolina. Con elas felicitaremos o Nadal ás nosas familias e amigos.
Con esta nova "Guía de lectura" aportamos algunhas suxestións para que lle pidades aos Reis magos, Papá Noel ou ao Apalpador algún libro este Nadal.
DEIXÁDEVOS ATRAPAR POLA MAXIA DOS LIBROS!
PREME NO ADXUNTO
Aquí temos o resultado tras reflexionar e traballar sobre a eliminación da violencia de xénero e a convivencia. Quixemos plasmar as conclusións nas nosas pegadas, que nos levan cara o lema escollido: CAMIÑANDO XUNTOS/-AS CARA A IGUALDADE. Confiamos en que o noso labor nos leve a unha sociedade máis xusta, igualitaria e sen violencia.