| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 |
Museo de Historia Natural
Enviado por ceippio12 o Ven, 2010-02-19 10:29
 |
MUSEO DE HISTORIA NATURAL FACULTADE DE CIENCIAS. CAMPUS SUR. USC Ten a súa orixe no século XIX, cando no curso 1840-41 se crea cátedra de Historia Natural e, asociada a ela, o Gabinete de Historia Natural que tiña como principal finalidade a docencia práctica. O seu primeiro director, Antonio Casares Rodríguez, foi quen iniciou o desenvolvemento deste gabinete, coa recompilación de material existente na universidade, a creación dun herbario e a recepción de exemplares de minerais doados por profesores e particulares. Compras e doazóns, de coleccións e de exemplares diversos, foron incrementando o patrimonio do gabinete durante o século XIX, especialmente ata 1880. Nas dúas ultimas décadas do século XIX, debido ao abandono por parte das autoridades universitarias e políticas, o gabinete tivo unha época de decadencia, con notables perdas no seu patrimonio. A principios do século XX, inícianse novas melloras e no ano 1906 o vello gabinete pasa á categoría de Museo de Historia Natural. Este museo chegou a ocupar dúas plantas do antigo edificio da Universidade, hoxe facultade de Xeografía e Historia. No ano 1961 foi trasladado á antiga Facultade de Ciencias, hoxe Facultade de Química, onde permanece na actualidade ocupando parte da planta inferior. Actualmente este museo constitúe o conxunto de patrimonio histórico-científico máis importante de Galicia, xa que, entre as coleccións que alberga, destacan as resultantes dos traballos de investigación dos máis importantes naturalistas e científicos galegos dos séculos XIX, XX e da actualidade.
|
|||||
|
|
||||||
»
