Sinfonía Romaría
Enviado por ceippio12 o Mér, 2023-01-11 14:26
 |
Sinfonía Romaría Banda Municipal de Música de Santiago Auditorio de Galicia A música é o elemento central de confluencia entre dualidades como o folclore galego e o sinfonismo, ou a danza e o canto; a través da sonoridade da banda, preséntase un proxecto pedagóxico absolutamente práctico, cunha proposta de actividades na aula atractivas para o alumnado e contextualizadas no entorno e patrimonio cultural que nos rodea. A Sinfonía Romaría contén unha escolma de 10 músicas moi coñecidas da cultura galega (“A saia da Carolina”, “O sancristán de Coimbra”, “Ven bailar Carmiña”, “Alalá das Mariñas”, “Os teus Ollos”, “O galopín”, “O rodaballo”, “Muiñeira de Chantada” e “Himno galego”), conxugando a canción do noso folclore con danza e poesía galega, e tratando de darlle unha nova vida actualizada ao enriquecedor patrimonio musical galego. O proxecto da Sinfonía Romaría combina contidos didácticos do ámbito sinfónico da banda (formas e estruturas, organoloxía e instrumentación, narrativa e discurso musical) cos do espectro folclórico (canción, danza, instrumentos tradicionais galegos), e tamén viaxa horizontalmente polos ámbitos da literatura, da xeografía ou da historia.
|
|
|
|
||
»
