PROGRAMA DE SUBVENCIÓNS ÁS FAMILIAS PARA A FESTIVIDADE DE NADAL 2022-2023
O Concello de Fene ven a convocar axudas para as familias para a festividade de Nadal 2022-2023, para mercar agasallos para os seus fillos e fillas nados no ano 2005 e posteriores e 2004 e posteriores sempre que teñan o recoñecemento oficial de discapacidade.
As famílias poderan mercar aos seus fillos e fillas xoguetes, xogos, libros, material didáctico e outros agasallos que correspondan ca idade do ou da menor a quen vai dirixida. Tamén poderán mercar roupa, calzado e material deportivo sempre que o gasto non supere o 75% da axuda concedida.
Os agasallos terán que estar mercados entre o período comprendido entre o día 2 de novembro de 2022 e o día 6 de xaneiro de 2023.
CONTÍA:
Axudas de pago único de 100€ por menor.
QUEN PODE ACCEDER? :
Aquelas familias que cumpran os seguintes requisitos:
1- Ter a cargo fillos ou fillas nados no 2005 e posteriores ou 2004 e posteriores cando teñan o recoñecemento oficial de discapacidade.
2.- Empadroamento no Concello de Fene e ter residencia efectiva no mesmo cunha antigüidade mínima de tres meses anteriores á data da solicitude.
3.- Que a renda per cápita familiar non supere os ingresos anuais netos 6.948,24 € , calculados en base a aplicación dos seguintes descontos: seguridade social e IRPF, pensións de alimentos, pensións compensatorias e as cotas de aluguer ou amortización da vivenda.
4.- Que os aforros a 31/12/2021 non superen os 3.000 €.
5.-Que non haxa máis de dous coches na unidade familiar e, no caso de que a maiores dos coches se posúa unha moto, esta deberá ter unha cilindrada non superior a 800 centímetros cúbicos.
PRAZO PRESENTACIÓN DE SOLICITUDES:
Dende o 2 ata o 22 de novembro de 2022, ambos os dous días incluídos.
INFORMACIÓN:
Centro municipal de Servizos Sociais. Avda. do Mar, Bl. 1. San Valentin. Teléf.: 981342607 / 981492706