Esta semana celebramos o Samaín, festa tradicional Galega, de orixe Celta, e que na nosa escola cobra especial relevancia. Nas clases os nenos vaciaron as cabazas e as decoraron, facendo unha magnífica exposición, estudamos a orixe da festa e a súa razón de ser nesta época do ano, fixemos xogos populares e, coma sempre, alumnos, mestres e familias fundímonos nunha gran aperta cun obxectivo: a mellora da calidade da educación dos nosos nenos, cun aprendizaxe vivencial e significativo, e coa carga emocional que unha festa do calado desta aporta ao feito educativo...
Dende a biblioteca e as aulas, preparouse previamente esta festa, dandolle senso e orixe...
Fixemos unha estupenda exposición e concurso de cabazas onde gañou a aprendizaxe e a diversión¡¡¡
Fixemos un foto call, onde mestras e alumnos se fotografaron... Foi moi divertido¡¡¡
Fixemos unha exposición de cousas terroríficas... Decorando o noso maravilloso centro...
Fixemos a nosa tradicional e popular carreira de carrilanas. Na nosa escola estamos comprometidos cos xogos populares, que promovemos e potenciamos.... Moitas xeracións de nenos e nenas montaron nestas carrilanas, que recordan con agarimo, e hoxe seguen sendo un modo de aprendizaxe e diversión.....
Asamos as nosas castañas, amosando o proceso artesanal cunha carga importante de tradición en Galiza....
Rematamos a festa degustando o froito do noso traballo: unhas gorentosas castañas, que apañamos, cociñamos e degustamos.... Que mais se pode pedir?...
Foi unha xornada espléndida, cun tempo atmosférico que acompañou, e coma sempre cunha gran carga de aprendizaxe e diversión...
