Sesión

Blogues

CELEBRACIÓN DO DÍA DAS LETRAS GALEGAS

O mércores 16 de maio celebramos cunha festa estupenda o día das Letras Galegas, este ano, adicado a Mª Victoria Moreno.

Ao son dunhas e duns pandereiteiros estupendos, bailamos varias muñeiras... e rematamos a festas cantando o noso Himno Galego. Viva o Fogar de Breogán!

Aquí tedes o vídeo resumo de todo!

VÍDEO DA CELEBRACIÓN DAS LETRAS GALEGAS.

 

 

DÍA DAS LETRAS GALEGAS

Bo día,

 

Recordarvos que mañá, 17 de Maio, non teremos clase por ser o día das Letras Galegas o cal festexamos hoxe no colexio e que nestes días poderedes ver a través das fotos e vídeos que se colgarán na páxina.

Voltaremos o venres día 18.

 

                       FELIZ DÍA DAS NOSAS LETRAS

Actividades da semana do Autismo

Para pechar as actividades para conmemorar o día da concienciación do Autismo, o cole engalanouse de azul e enchemos o tendedeiro do noso patio interior de roupa con mensaxes de integración e positividade... Todos somos diferentes!!

 Ademáis podedes ver un vídeo xenial, onde os nosos alumnos e alumnas do centro explican que é o TEA... Non volo perdades!!!!

Pinchade no seguinte enlace: VÍDEO SEMANA DO AUTISMO

 

PONTE DE MAIO

Boas familias,

 

Escribimos para informar que o vindeiro luns, 30 de Abril, non teremos clase por ser un dos días ecollidos polo centro como día non lectivo.

Esperamos que disfrutedes destes días. Vémonos o mércores.

 

Saúdos

DÍA DO LIBRO

O 23 de Abril celebramos o día do Libro e no centro fixemos moitas actividades sobre o tema.

Elaboramos marcadores informativos na aula (para que non molestedes aos vosos nenos e nenas cando están a ler na súa habitación :-)

Fixemos actividades de fomento da lectura nas aula e participamos nunha ao aire libre, aproveitando o bo día que fixo!

Ademáis a biblioteca púxose de "gala" para a celebración do seu día máis importante!

 

 

VISITA AO CONCELLO DOS ALUMNOS E ALUMNAS DE 3º DE PRIMARIA

Os alumnos e alumnas de 3º de Educación primaria visitaron o Concello de Oleiros o xoves 19 de Abril. Coñeceron ao noso alcade, fixéronlle preguntas  sobre o seu traballo e pasaron un anaco moi agradable.

DÍA DA ÁRBORE

Os alumnos e alumnas de 4º e 5º de Educación Infantil, invitados pola Asociación de Veciños de Maianca e coa colaboración do Concello de Oleiros, prantaron árbores na zona verde de Canide e disfrutaron dos arredores.

Tanto nenos ,como non tan nenos, desfrutaron dun día estupendo!

Ademáis saímos no periódico da OPINIÓN: Aquí tedes o ENLACE.

XORNADAS DE FORMACIÓN DO PROGRAMA DE AUTOPROTECCIÓN

Onte, o profesorado, participou nas Xornadas de Formación para a posta en práctica do programa de autoprotección do centro. 

O Equipo de Emerxencias do Concello de Oleiros formounos na prevención, actuación e os procesos de evacuación que levaremos a cabo ante as diferentes situacións de emerxencias que podemos vivir no noso Centro e que xa están recollidos no noso Plan de Autoprotección. 

Proximamente, realizaremos no noso Centro, un simulacro de evacuación.

 

 

 

Semana de concienciación sobre o Autismo

 

Rematamos este trimestre cunha pequena presentación da que será a Semana de concienciación do Autismo.

 

O 2 de abril celèbrase este día, así que, á volta das merecidas vacacións, faremos diferentes actividades dentro da temática “Todos somos diferentes”. Hoxe adornamos o colexio de azul e fixemos a lectura do discurso inaugural.

GALERÍA DE FOTOS

 

FOLGA DO 8 DE MARZO DO 2018

Estimadas familias,

 

Con motivo da folga convocada para o día 8 de marzo do 2018 (Día Internacional da Muller), este Centro informa que parte do persoal docente e non docente ten pensado acollerse ao seu dereito á participación na folga polo que o desenvolvemento habitual da xornada escolar verase afectado.

Para abordar a situación o colexio seguirá o disposto no Decreto 26/2018 do 1 de Marzo polo que se ditan normas para garantir os servizos esenciais para ese día (DOG  07/03/2018).

Agradecemos, coma sempre, a vosa inestimable colaboración.

Atte. Equipo Directivo

 

 

 

 

 

Distribuir contido