Iniciar sesión: Acceso

Taboleiro de anuncios

Biblioteca

Información xeral do centro

Muxicas 2019

Aqui tedes a Revista dixital de Muxicas 2019.

Este ano foi adicado a Antón Fraguas Fraguas.

Esperamos que sexa do voso agrado.

Unha aperta e feliz verán para todos/as.

Muxicas 2019

Día das Persoas con Discapacidade

O día 3 de decembro celébrase o Día Internacional das Persoas con Discapacidade.

No colexio quixemos manifestar o noso apoio á esas persoas cunha cantiga que fomos ensaiando durante varios días e que cantamos todos xuntos no patio.

TODOS DISTINTOS, TODOS IGUAIS

Día contra a Violencia de Xénero

O pasado domingo 25 de novembro conmemorouse o Día Internacional contra a Violencia de Xénero.

No CEIP Laverde Ruíz, traballamos cos nenos e nenas para facerlles ver que a Violencia -sexa a que sexa- non leva a ningures.

Xunto con outros colexios participamos no proxecto #Equaliter, para dar voz aos máis pequenos coa intención de que nun futuro non teñan que dicir unha e outra vez NON á VIOLENCIA de XÉNERO, non a calquera tipo de violencia.

O resultado deste traballo colectivo pódese ver neste vídeo (a nosa participación está no minuto 3:37)

 Ademáis a ANPA do cole, preparou un obradoiro de tatoos para o recreo, que foi todo un éxito.

Graciñas ANPA !!!

 Para máis información sobre a ANPA Laverde Ruíz, podedes visitar:

A web do facebook ou o blogue

Magosto 2018

O pasado venres celebramos o Magosto no cole... asáronse as castañas e fóronse comendo polas aulas... o alumnado de 5º B axudou aos compañeiros/as de infantil a pelar as castañas...

mmmmm .... que ricas a s castañas quentiñas !!!

Información do centro

Breve historia do centro

No concello de Outeiro de Rei existían 21 escuelas mixtas e 4 escuelas unitarias (nenos e nenas) con mestre e mestra.

O día 30 de marzo de 1978 organizouse o Centro Autónomo co fin de organizar as probas de Graduado Escolar e as Probas de Madurez. Así funcionou durante os cursos 1978-79 e 1980-81.

No curso escolar 1981-82 comenza a funcionar a agrupación colexio público “Laverde Ruíz” froito da integración de 13 escolas.

O centro escolar foi feito para oito unidades, quedando en funcionamento as escolas de Robra (mixta), Taboi, Castelo, Vilela e Cela. A escola de Parada intégrase no colexio Casás en Lugo. Os alumnos de Astariz e Vicinte, por proximidade integráronse no colexio de Rábade. A escola de Francos suprimiuse.

No curso 2002-03 a escola de Robra incorpórase ao centro.

No curso 2003-04 intégrase no colexio a escola de Vilela.

No curso 2004-05 pecha a escola de Cela.

 

Descrición do centro docente

Tipo de centro: Colexio Público

Denominación oficial: CEIP LAVERDE RUIZ

Código: 27008513

Situación: Outeiro de Rei

Provincia: Lugo

Enderezo: Estrada Nacional VI S/N

Código postal: 27150

Teléfono: 982-82.89.30-31

Fax: 982-82.89.32

Correo electrónico: ceip.laverde.ruiz@edu.xunta.es

Páxina web: http://www.edu.xunta.gal/centros/ceiplaverderuiz/

Instituto de adscrición: IES Río Miño-Rábade

 

Instalacións e equipamento

O recinto do colexio está completamente pechado. Neste atópanse os dous edificios do centro, o de Educación Infantil e o de Educación Primaria; o primeiro construído máis recentemente. Neste mesmo recinto, con entrada independente, tamén se atopan as distintas dependencias do Concello de Cultura Municipal, que inclúe a  Biblioteca do concello. Na zona exterior están situadas as pistas de deporte, o patio cuberto con canchas, unha fonte, céspede e árbores, así coma unha zona de xogos para Infantil con areeiro.

O edificio de Educación primaria é unha construción rectangular, que consta de porche, planta baixa e primeira, á que se accede por medio de dúas escaleiras e que tamén conta, desde hai uns anos, cun ascensor que garante a estabilidade ás persoas de mobilidade reducida, que se emprega de forma excepcional. Entre as escaleiras, un patio interior, rectangular e aberto cun pequeño xardín, que proporciona luz natural ao interior.

Na planta baixa atópanse: as dependencias administrativas, o comedor, a cociña, a sala de profesores, os servizos dos nenos/as, unha aula que acolle o curso de 6º de Educación Infantil, a aula de informática compartida con música, un almacén de material deportivo, dous servizos de profesores/as e un habitáculo para os útiles de limpeza.

Na primeira planta atópanse: as aulas de 1º, 2º, 3º, 4º, 5º e 6º de Ed. Primaria, a bilblioteca, aula de inglés, aula de orientación, aula de Pedagoxía Terapéutica, dous servizos para mestres/as e dous servizos para nenos/as .

O edificio de Educación Infantil na planta baixa conta cun pequeño patio exterior cuberto, ademais doutra dependencia utilizada polo Concello. No interior do patio hai un vestíbulo e dúas escaleiras que conducen ao primeiro andar. Aquí atópanse: tres  aulas, unha titoría, dous servizos de nenos/as, servizos do profesorado e un almacén de limpeza.

Fóra do recinto contamos con dársenas para os autobuses do transporte, onde os alumnos/as acceden sen perigo desde o patio por unha das cancelas. Os alumnos/as que non son transportados acceden pola porta principal cos seus pais/nais ou titores.

A carón das instalacións do centro hai un polideportivo municipal do que tamén fai uso o colexio para as clases de Educación Física.

 

No mes de xullo de 2018 inicianse as obras de mellora do edificio, creándose un 3º piso.

 

Tipoloxía escolar

Titularidade: Pública, dependente da Consellería de Educación da Xunta de Galicia.

O centro imparte os niveis de Segundo Ciclo Educación Infantil e Educación Primaria, en dobre liña.

Durante os meses de setembro e xuno o centro atérase as disposicións que ditamine o calendario escolar oficial.

Durante o resto do curso hai xornada partida de 09:30h a 13:30h e de 15h a 16h.