Aquí tedes a Revista Múxicas nº 34, deste curso, feita pola coordinadora do Equipo de Dinamización da Lingua Galega coa colaboración do profesorado.

Esperamos que vos guste.

Actividades para Educación Primaria:

Pincha nos enlaces dos arquivos adxuntos

Bo día chic@s!!!!

Dende o departamento de Dinamización da Lingua Galega e Biblioteca, propoñemos esta actividade para celebrar o Día do Libro.

O alumnado de 1º e 2º curso colgarán as súas aportacións no blog de 1ºA (Mónica), o alumnado de 3º e 4º curso farano no blog de 4º A (Irene) e o alumnado de 5º e 6º curso no blog de 6º B (Cristina).

Animádevos a participar!!!!

Moitas grazas!!!

Aqui tedes a Revista dixital de Muxicas 2019.

Este ano foi adicado a Antón Fraguas Fraguas.

Esperamos que sexa do voso agrado.

Unha aperta e feliz verán para todos/as.

Aquí presentamos o número 32 da nosa revista Muxicas!

Neste enlace tedes a Revista Muxicas nº 32 do 2018

Este ano conmemoramos o Día do Libro eleborando un libro moi orixinal repleto de lendas creadas polos nosos alumnos.

Ó longo desde curso o alumnado de 3º de primaria está a traballar, entre outras, as competencias  lingüística, cultural e artística, de tratamento da información e de aprender a aprender por medio dun proxecto que se adica a reavivar a bilbioteca do centro por medio da confección de libros nos que plasman o froito do traballo diario.

Entre os traballos que realizan podemos atopar un libro de receitas moi orixinal.

Tamén elaboraron un libro adicado ó coñecemento de árbores da nosa contorna.

Uns dos traballos máis destacables é un libro de debuxo que ten como tema a lenda da "Maruxaina", que traballaron como parte do proxecto anual de centro "Lendas Galegas" promovido polo Equipo de Dinamización da Lingua Galega e Equipo de Biblioteca do noso centro. Realizaron un traballo artístico e de investigación que agora gostan de compartir co resto da comunidade educativa.

Este ano conmemoramos o Samaín  cunha actividade  de animación levada a cabo pola asociación LUGDUNUM. Foi una actividade dirixida ó alumnado de 4º, 5º e 6º de EP, coa que se achegaron ó  Samaín como tradición de orixe celta en Galicia.

 Nas aulas traballáronse ademais a diversas lendas como a do  lobishome, as mouras e mouros, as meigas, os trasgos... Elaboráronse murais para decorar os corredores en relación coas lendas traballadas e decoráronse tarxetas conmemorativas.