CEIP LAMAS DE ABADE

O pasado 15 de maio celebramos a festa dos maios. Como cada ano foi un día festivo cheo de ledicia, onde tanto nenos e nenas, profes e familias colaboraron de maneira excepcional para que puideramos gozar todos xuntos.

Aquí vos deixamos un enlace onde poderedes ver un vídeo resumen deste día.

Moitas grazas a todos e todas pola vosa colaboración.

+ premer na imaxe.

CONVOCATORIA DO FONDO SOLIDARIO DE LIBROS DE TEXTO E AXUDAS PARA LIBROS DE TEXTO E MATERIAL ESCOLAR PARA O ALUMNADO DE PRIMARIA, ESO E EDUCACIÓN ESPECIAL PARA O CURSO ESCOLAR 2023/2024.

ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).  O prazo para presentar as solicitudes é dende o 20 de maio ao 21 de xuño de 2023 ambos inclusive.

 - Fondo solidario de libros de texto (préstamo libros): so para alumnado que vaia a cursar 3º e 4º de primaria.

- Axudas para adquirir libros de texto: so para alumnado que vaia a cursar 1º e 2º de primaria.

- Axudas para adquirir material escolar: todo o alumnado que vaia a cursar primaria cando reúnan os requisitos establecidos na orde.

 - O alumnado que vai a cursar 5º e 6º de primaria participan no proxecto E-DIXGAL, polo que non precisan libros de texto.

Convócanse, para o curso 2023-2024, axudas individualizadas para os alumnos con Necesidade Específica de Apoio Educativo.

MINISTERIO DE EDUCACIÓN Y FORMACIÓN PROFESIONAL 12318 Extracto da Resolución do 20 de abril de 2023, da Secretaría de Estado de Educación, pola que se convocan axudas para alumnos con necesidade específica de apoio educativo para o curso académico 2023-2024  (Adxunto).

- Enlace á páxina do Ministerio:

- Acceso ao servizo en liña

Prazo de presentación de solicitudes: desde o día 8 de maio de 2023 ata o día 20 de setembro de 2023, ambos inclusive.

Esta semana o alumnado de 5º e 6º de primaria recibiu, en dúas sesións, unhas charlas sobre Saúde Mental. A asociación Itínera (http://www.asociacionitinera.com ) foi a encargada de levar a cabo estas interesantes sesións. Este programa estivo promocionado pola Concellería de Mocidade do Concello de Santiago. Agradecemos a ambos a súa dispoñibilidade.

 O alumnado de 6º de Educación infantil A e B visitaron as instalacións do 112 en A Estrada, e moito aprenderon do corazón das emerxencias de Galicia. Moitas grazas a Eva, Roi e Thais por acompañarnos nesta aventura e pola acollida. Clicade na imaxe para ver un vídeo da visita das nenas e dos nenos!! 

Hoxe o alumnado de 2º e 3 de primaria asistiu no colexio a unha pequena mostra do Conservatorio Profesional de Música de Santiago. Teñen aberto o prazo de matriculación para os nenos/as que queiran iniciarse na música.

Para máis info: https://www.conservatoriosantiago.gal

Foi admitido todo o alumnado que presentou neste centro unha solicitude no proceso de admisión para o curso 23-24. 

As listaxes provisionais e definitivas de persoas admitidas serán elaboradas pola aplicación admisiónalumnado e a súa exposición para consulta polas familias só se poderá realizar das seguintes formas:

-    Presencial: Única e exclusivamente no taboleiro de anuncios situado no interior do edificio escolar. En base ás recomendacións vixentes en materia de protección de datos persoais, non se poderá realizar por ningún outro medio físico de publicación.

 - Non presencial: Única e exclusivamente a través da aplicación admisionalumnado empregando a Chave365 ou certificado dixital. En base ás recomendacións vixentes en materia de protección de datos persoais non se poderá realizar a través de ningún outro medio electrónico de publicación.

Boas familias. Hoxe publicamos uns videos con algunhas coreografías que se viñan facendo na clase de Educación Física. Forman parte, ademais, do plan Proxecta dentro do programa MÓVETE+, no que o centro vén participando desde o ano pasado. Esperamos que vos gusten.
Un saúdo.
Patricia

+ Premer na imaxe.

 Prazo de Admisión:

 Será do 1 ao 20 de marzo, ambos os dous inclusive.

 Horario de atención: L-V 9:00 - 14:00 H

                                  Martes: 16:30-18:30 H

 Presentación de solicitudes:

  A solicitude do posto escolar será única e se presentará no centro no que o solicitante pretende ser admitido.

• Cubrir a solicitude informáticamente e presentala asinada de xeito manual no centro:

• A través da aplicación Admisionalumno (https://www.edu.xunta.gal/admisionalumnado/
• Seleccionar a opción de menú “Solicitudes--> Admisión --> Crear”.
• Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e autorizacións.
• Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro.

• Cubrir a solicitude informáticamente e asinala en Sede Electrónica:

• Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. https://www.edu.xunta.gal/admisionalumnado
• IMPORTANTE: Debe achegar, na Sede Electrónica da Xunta de Galicia o anexo II bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, ultima páxina da solicitude que pode visualizar e descargar nesta aplicación).
  Debe achegar escaneada toda a documentación pertinente á hora de presentar solicitude. 

• Cubrir a solicitude manualmente e presentala asinada presencialmente no centro

   Documentación a presentar coa solicitude:

• Copia do DNI da persoa solicitante e dos membros computables da unidade familiar, cando denegue a súa consulta.
• Documento acreditativo do requisito de idade do/da alumno/a.
• Documento acreditativo de estar en disposición de reunir os requisitos académicos exixidos en cada nivel educativo ou etapa. (Certificado de matricula)
• Convenio regulador ou resolución xudicial de separación xudicial ou divorcio, se é o caso.

 NOTA: Cando a DEMANDA de prazas escolares sexa superior á oferta.

Logo de determinar que o número de solicitudes é superior ao de prazas ofertadas, o centro abrirá un prazo de 10 días hábiles, contados a partir dos 2 días seguintes ao remate do prazo de presentación de solicitudes de admisión, para presentar, de forma presencial no centro, a documentación xustificativa dos criterios de baremo sinalados na solicitude de admisión.

 A presentación desta documentación ten carácter voluntario. A falta de presentación desta documentación impedirá valorar o criterio/s para efectos de determinar a puntuación correspondente.

 A falta de presentación en prazo da documentación requirida impedirá ter por acreditado o criterio/s afectados, e en consecuencia, impedirá valoralos para efectos de determinar a puntuación.

Normativa relacionada.

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550B)