COMEZAMOS O PROXECTO ETWINNING
" BE IN THE GAME BOAT "
Preme na imaxe para ver a introducción
Claro que o conseguimos: Mira as imaxes que o demostran
Durante o presente curso escolar na área de educación física xunto coa colaboración das titoras dos cursos 2ºA e 2ºB, vaise participar nun proxecto eTwinning.
O proxecto eTwinning no que participaremos consiste en realizar unha serie de tarefas e xogos nas sesión de educación física, nalgunha das horas do proxecto lector e tamén nalgunha sesión na clase coas titoras dos estudantes. Estas actividades tamén as van realizar outros colexios tanto de España como do estranxeiro. Posteriormente, a través da plataforma eTwinning, e utilizando algunhas aplicacións, farase unha posta en común entre os diferentes centros que participan no proxecto.
PRIMEIROS PASOS
O primeiro que se fixo foi crear un póster por parte de cada colexio participante. Este é o do colexio Fogar.
A continuación déronse a coñecer aos escolares os retos para o mes de novembro. No noso caso, creamos un póster para que o alumnado poida marcar como CONSEGUIDO cada reto. Dito póster está nas aulas dos escolares e no pavillón.
COMEZAMOS COS RETOS
O primeiro Challenge que nos propuxemos conquerir foi o de xogar a tres en raia. Pero como nos parecía pouco, dende o noso colexio nos propuxemos facer o KIT completo: taboleiros e fichas para xogar.
Fixemos un tutorial que compartimos cos demais membros do proxecto e nos puxemos a traballar. Premendo na imaxe poderás acceder ao titorial, está en inglés, pois é o idioma no que se relacionan os participantes entre si.
Se queredes intentalo, podedes descargar as plantillas nestes enlaces:
2 taboleiros en cada documento DinA4 4 taboleiros en cada documento Dina4
O segundo reto que intentamos foi: facer un disco voador con dous pratos de papel e posteriormente xogar con él.
Deixámosvos algunhas imaxes para que comprobedes que conquerimos os dous retos. Máis adiante, subiremos máis imaxes e algún vídeo.
seguirá 
