Skip to Content

Videos

Videos de infantil y primaria

RECOMENDACIÓNS DE VERÁN

Foi un curso diferente, foi un curso no que nos faltaron os nosos nenos e nenas, no que nos faltaron os seus agarimos, bicos, apertas, miradas cómplices...

Por iso estamos desexando que volva setembro para recuperar eses momentos. Mentres tanto, sentímonos moi orgullosos y orgullosas do voso traballo e comportamento, por iso fixemos un último esforzo para recordarvos todo o que debedes facer este verán.

E por suposto non nos esquecemos de enviarvos todos os bicos que tiñamos gardados para todos e todas vós.

 

Grazas.

 Volveremos con máis forza.

 

Preme na imaxe para ver o vídeo

"SALVEMOS O MAR"

 

    Agora que rematamos este curso. Logo de tantos, e tantos atrancos, podemos dicir que somos un gran equipo, unha gran familia educativa; e como xa di o noso himno "Somos fogar". O curso pasado desenvolvemos un gran proxecto, un traballo en conexión, que reflexaba, sen buscalo intencionadamente, que somos de grandes proxectos, de grandes inquedanzas comúns.

      O equipo de Biblioteca e de Dinamización e Normalización Lingüística, presentamos, ese gran traballo feito por todos en conexión de forma dixital; que é o que toca.

         Clicade na imaxe para acceder:

 

   

MERCAFOGAR 2019-2020

   As profes encargadas do Mercafogar, queremos agradecer a cada un dos nenos e nenas que nel traballáchedes de caixeiros, dependentes e clientes, todo o esforzo realizado durante este curso.

    A continuación adxuntámosvos un pequeno vídeo onde se recolle todo o voso traballo. Por suposto, non nos esquecemos daqueles que non puidéchedes participar e esperámosvos con moitas ganas o vindeiro curso!

Andrea, María e Ángela

                                          

 

SOMOS FOGAR

 

    Xa van 50 anos de historia. Unha morea de tempo onde este FOGAR foise moldeando paseniñamente. Foise creando co agarimo de tod@s, coa ilusión de moit@s profesionais, coa confianza de familias que atoparon aquí unha segunda casa, pero por riba de todo, coa ledicia e a paixón marabillosa de eses milleiros de nenos e nenas que ao longo dos anos encheron de vida este colexio. Un Fogar que viviu días fermosos e noites escuras; con luces e sombras, con sorrisos e bágoas. Pero un FOGAR que resistiu erguido contra do vento e a tormenta, para facer o niño onde se agochen os proxectos de vida de tantos e tantos. Por iso, pese a todo, pese á distancia, pese a estes momentos durísimos, seguiremos estando aí. 

 

SOMOS O TEU FOGAR, O NOSO FOGAR.

 Grazas ao profe Carlos por compoñer esta fermosa canción!

 

Científicas e Científicos de 5º de Educación Infantil B

Agradecementos infinitos ás Científicas e Científicos de 5º de Educación Infantil B pola elaboración deste vídeo tan emotivo que zumega amor pola nosa lingua, e que na boca das crianzas soa máis viva e fermosa ca nunca.  E nestas datas especiais, non podemos deixar de lembrar as verbas de  Manuel María: “  Galicia somos nós: a xente e máis a fala. Se buscas a Galicia, en ti tes que atopala”.

 


 

 

Distribuir contido


by Dr. Radut