You are hereBlogues / blogue de administrador / Museo do Mar e estadio de Balaídos
Museo do Mar e estadio de Balaídos
O venres os alumnos do segundo ciclo de Educación Primaria fomos de excursión a Vigo. Visitamos o Museo do Mar e o Estadio de Balaidos. O tempo, de primeiras non nos acompañou pero despois abriu e puidemos desfrutar dunha tarde estupenda. O restaurante "Di San Remo" deixounos as súas instalación para comer xa que, aínda que o día abrira as mesas estaban molladas.
No museo do mar os alumnos de terceiro, realizaron a actividade "Os segredos arqueolóxicos do Museo do Mar". Tomando como punto de partida o xacemento castrexo do museo convertéronse en arqueólogos e realizaron unha escavación arqueolóxica para despois traballar os resultados un laboratorio científico, e, por último experimentaron algúns dos aspectos do traballo diario das xentes que viviron en época castrexa e romana. FOTOS
Por outra banda, os alumnos de cuarto gozaron da actividade "Coñecendo a cultura tradicional mariñeira". Transformáronse en auténticos mariñeiros tradicionais e experimentaron por sí mesmos diversos aspectos da vida destas xentes: cazaron unha balea, pescaron con diferentes técnicas e levaron un bote como auténticos mariñeiros. FOTOS
Ademais de realizar as diferentes actividades visitaron o acuario, onde coñeceron algunhas especies, entre elas o tiburón branco.
Ó rematar a visita no museo fomos a Samil, comemos e desfrutamos de tempo libre no paseo.
Finalmente fomos ó Estadio de Balaídos, alí estivemos na sala de prensa, no museo do Real Club Celta de Vigo, no vestiario dos xogadores e mesmo no campo e no palco presidencial. FOTOS
Foi unha experiencia inolvidable!