animación a lectura

E de novo recibimos con moitísima emoción a visita de... O Mago Paco!

Gozamos coa posta en escena de dous súper espectáculos de xogos de maxia e animación lectora.

As nenas e nenos de infantil estiveron entusiasmados coa actividade "A Maleta Viaxeira".

As súas risas resoaban polos corredores do noso cole.

Pasáronno fantástico e descubriron historias cheas de moita maxia.

  Unha Maxia Diferente é o espectáculo que O Mago Paco mostrou aos nenos e nenas de primeiro e segundo de primaria.

Maxia divertida e o valor da diversidade únense para lograr o respecto ás diferencias. Gozaron dunha actividade coa diversión asegurada.

Este ano celebramos o Día do Libro dunha forma especial, ainda que estemos na casa os libros nos acompañan con historias que teñen un poder máxico: nos fan rir, chorar, viaxar...Podemos usar o poder da lectura para combatir o illamento.

O escritor, xornalista e divulgador da cultura de Galicia, Manuel Gago creou un texto centrándose nas potencialidades do libro e da lectura : 

 "Cada libro que lemos queda gardado no noso peito como semente, paxaro ou xabarín"

Aproveitade estes días para ler o voso libro preferido !

O  2 de abril celébrase o Día do Libro infantil e xuvenil, data en honor a Hans Christian Andersen (que naceu nesta mesma data no ano 1805), creador de contos para nenos e nenas como "O patiño feo", "A sirenita" ou "O soldadiño de chumbo".

Entras na nosa biblioteca e atopas tantos libros que che invitan a viaxar! No día de hoxe, a pesar de que non teñamos  colexio, e teñamos que quedar na casa , podes coller o teu libro favorito e facer un debuxo, tamén podedes facer unha foto. Cando voltemos ao cole, seguro que Tepo recibirá todos os vosos debuxos e faremos un libro .

Tepo vos manda ánimo¡

       Baixo o título " En abril, libros mil " englobamos unha serie de actividades encamiñadas a que o noso alumnado e as súas familias atopen na lectura unha fonte de coñecementos, unha forma de evadirse, un medio de diversión, un xeito de coñecerse mellor a un mesmo e aos demais...

     Así durante este mes puxemos en práctica as seguintes actividades:

• Lectura de contos de Andersen en cada aula realizadas polo profesorado durante a " Hora de ler " , solicitando a colaboración da Biblioteca Municipal con empréstitos dalgúns destes contos.
• " Libros ao patio ". Exposición das novidades bibliográficas para o alumnado no patio e no pavillón durante os recreos.
• Mostra dos libros da " Sección de adultos " na entrada do colexio co obxecto de achegalos ás familias. Se lles invita a levar o libro que desexen realizando eles mesmos o empréstito. 
• Representación teatral da obra " A cebra Camila " a cargo dun grupo de nais do noso alumnado.
• Coma todos os xoves, contacontos realizado polas familias do alumnado de Infantil.
• Exposición de traballos elaborados polos nenos e nenas sobre o seu libro favorito.
• Teatro de monicreques " A xoaniña rosmona " a cargo dos profesores Mª Jesús e Luis.
• Entrega do premio ao " Máis León ou Leona " deste trimestre e do Boletín Informativo da Biblioteca xunto cun marcapáxinas de agasallo.