achégase o Entroido e este venres aparecerá no cole o Meco dando ordes para que veñamos disfrazados ou con complementos para a vindeira semana.
Enviamos a explicación do Entroido deste curso e as ordes que irá dando diariamente. Tamén engado un link a un vídeo de youtube onde aparecen distintos exemplos de disfrace, por se precisades inspiración.
Hoxe recibimos unha carta da Real Academia Galega cun diploma en recoñecemento a participación do noso centro na divulgación da vida e obra da autora Xela Arias, homenaxeada o curso pasado no Día das Letras Galegas.
Deixamos osenlacesenviados á Real Academia polo que nos foi concedido o presente diploma:
O pasado 28 e 29 de outubro celebramos no centro o Magosto e o Samaín. O xoves fomos ao campo de fútbol da Estivada, onde gozamos duns magníficos xogos organizados polo equipo de Dinamización para logo comer as riquísimas castañas que asamos coa axuda de Eduardo.
O venres o cole converteuse nunca casa do terror chea de vampiros, defuntos, pantasmas...foi xenial!
Deixamos uns vídeos para que vos acheguedes, un pouquiño, ao ben que o pasamos eses dous días
Este curso é distinto pero non por iso imos deixar de facer o máximo que podamos cos nosos nenos/as. Aínda que cheguemos tarde, porque a intensidade destes meses non nos permite que sexa doutra forma, celebramos nas distintas aulas con moita ilusión o Día de Rosalía.
Esperamos que desfrutedes deste recitado protagonizado polo alumnado de 5º de Primaria