ASÍ FOI O "1º CONSELLO DE COMEDOR"

O pasado 20 de setembro, no comedor do noso centro, despois do recreo, reuníronse o Equipo de cociña e un grupo de alumnso e alumnas representantes dos cursos de 3º a 6º de Educación Primaria, para participar no 1º Consello de Comedor.

A idea foi proposta pola nosa cociñeira Libia ao Equipo Directivo, coa finalidade de facer ao alumnado partícipe da elaboración dos menús que se elaboran mensualmente. Así, escoitáronse as súas preferencias, que se presentaron atendendo ás directrices que fan tan especial ao noso comedor : variado, saudable e completo. E logo, decidíronse algunhas que conforman o menú deste mes de outubro:

• Zume de laranza natural e outro día limonada.
• Nachos con crema de queso do cebreiro.
• Wok de polo e verduriñas.
• Brócoli con ovo.
• Peixe do día.
• Lasaña de carne.
• Pócema máxica de cabaza.
• Morcegos piollosos.
• Hamburguesa de porco celta.
• Nuggets caseiros.
• Minestra de verduriñas con garbanzos.
• Tortilla de patacas con ensalada.

E por suposto, axudaron a conformar o menú do menú do mes de outubro: 

 MENÚ OCT 2022.pdf

Estes foron os participantes do  1º Consello de Comedor.