Novas

Aquí reunidas as Anpas dos colexios: Ría de Vigo, A Paz -Tintureira, Sárdoma-Moledo, Chans-Bembrive, Carrasqueira e co apoio do Igrexa-Valadares, queremos manifestar o seguinte:

• A nosa INDIGNACIÓN polas declaracións vertidas estes días na prensa.
• Reiterar a total TRANSPARENCIA na xestión dos nosos comedores ante a Consellería de Educación.
• Esixir a NON EXECUCIÓN das sancións impostas aos nosos directores ata que se depuren responsabilidades políticas.
• Reivindicar o COMPROMISO da Conselleria para facerse cargo do coste total dos comedores para non precisar as achegas voluntarias.
• Que estas acusacións NON lles sirvan para EXTERNALIZAR o servizo de comedor.
• E por último, transmitir UNANIMIDADE no APOIO aos directores dos nosos centros escolares.

Grazas a ANPA, os nenos de Infantil disfrutaron na biblioteca dun magnífico contacontos: O Señor Gravata Torta. Queremos agradecerlle desde aquí a súa boa disposición para axudarnos a realizar esta CONTADA. Grazas amigo Ger.

O ximnasio do noso colexio lavou a cara grazas á colabración desinteresada dun grupo de nais e pais que o pintaron deixándoo tan perfecto como se fose de estrea, tal como se pode comprobar nesta reportaxe fotográfica.

Moitísimas grazas e noraboa por este gran traballo!