Novas

Palabra do mes de febreiro.

Ven, 26/02/2021 - 13:21 — admin

Enma Ramos Casanovas de 4º de Educación Primaria escribiu a palabra gañadora do mes de febreiro: PASPALLÁS. NORABOA!

Segundo a RAG, a palabra "paspallás" ten a seguinte acepción:

Ave da familia dos fasiánidos, de cor acastañada cunha mancha branca e moura na gorxa a xeito de colar no macho, e de cor máis apagada con pencas escuras no peito e sen colar na femia.

As palabras finalistas foron:

PAPAVENTOS, RODODENDRO, FILLOA, BOMBÓN E MACHICAR.

Palabra do mes de xaneiro.

Ven, 29/01/2021 - 11:51 — admin

David Ferreiro Docarmo de 6ªA de primaria escribiu a palabra gañadora do mes de xaneiro: ALCUME. NORABOA!

Segundo a RAG, a palabra "alcume" ten dúas acepcións:

1. Nome que se lle dá coloquialmente a unha persoa en lugar do seu propio, tomado dos seus defectos físicos, morais ou doutras circunstancias.

2. Nome, xeralmente curto e fácil de recordar, usado por un internauta ou por un grupo de internautas nas conversas, grupos de novas ou outras aplicacións de Internet para asegurar o seu anonimato.

As palabras finalistas foron:

CAMPAÍÑA, BONECO, ALOUMIÑO, BERCE, FOLERPA E ESTOUPAR.

Palabra do mes de Nadal.

Mar, 22/12/2020 - 14:31 — admin

Lucía López Espiñeira de 5ªB de E.P. escribiu a palabra gañadora do mes de decembro: BARALLOCAS. NORABOA!

Segundo a RAG, a palabra "barallocas" significa:

Persoa que embarulla todo cando fala de tal maneira que non se lle entende o que quere dicir.

As palabras finalistas foron:

LURA, OUVEAR, PANXOLIÑA, SOLPOR, ÁRBORE, FEIXÓN E LARANXEIRO.

Palabra do mes de novembro.

Mér, 02/12/2020 - 11:25 — admin

Emma Rico Soto de 6ªB escribiu a palabra gañadora do mes de novembro: TEIXUGO. NORABOA!

Segundo a RAG, a palabra "teixugo" significa:

Mamífero carniceiro da familia dos mustélidos de pelo longo e espeso, agrisado no lombo, negro nas patas e no ventre, e abrancazado con dúas listas negras que van desde o fociño ata detrás das orellas, que vive en tobos profundos e ten costumes nocturnos.

As palabras finalistas foron:

INVERNO, BICO, NADAL, LÚA, OLLOMOL, AXÓUXERE E MEIGALLO.

Palabra do mes de outubro.

Mar, 03/11/2020 - 11:42 — admin

Carlos Javier León Córdova de 1ªB de primaria escribiu a palabra gañadora do mes de outubro: FEITICEIRO. NORABOA!!

Segundo a RAG, a palabra "feiticeiro" ten dúas acepcións:

1-Que atrae, que é difícil resistirse a el.

2-Persoa á que se lle atribúen poderes sobrenaturais e que coñece as propiedades dos elementos da natureza, que adiviña o porvir, fai curacións, etc.

As palabras finalistas foron:

BOA, TOLEMIAS, LUSCOFUSCO, OUTONO, RUXIDOIRA, OUTONO( POR 2ª VEZ), BIQUIÑO.