Skip to Content

Novas

Canto sabes sobre Galicia? Primeira pregunta

Bos días! Hoxe comezamos este novo desafío. Cada día poñerase unha pregunta á que se lle dará resposta ao día seguinte. Convídovos a investigar e descubrir cousas novas sobre a nosa comunidade!!

Palabra do mes de febreiro

Pablo Vázquez, de 5º B, tróuxonos a palabra que saíu como gañadora: FALCATRUADA.

Segundo a RAG, FALCATRUADA ten dúas acepcións:

1) Mala acción, feita con engano ou trampa.

2) Acción, propia dos nenos, que pode causar perxuízo, molestia ou trastorno. 

Para todas as acepcións son sinónimos: aduanada, falcatrúa e andruviada.

As palabras finalistas foron: FILLOAS, FOLERPA, PINCHACARNEIRO, CÓXEGAS, ALECRÍN, AMOR, MAXIA e PAZ.

Palabra do mes de decembro

Emma Rico, de 5º B, tróuxonos a palabra que saíu como gañadora: BARALLOCAS.

Segundo a RAG, BARALLOCAS defínese como "Persoa que embarulla todo cando fala de tal maneira que non se lle entende o que quere dicir".

As palabras finalistas foron: CATACRESE, ENXEBRE, PANXOLIÑA, PRÓSPERO e NADAL.

Almanaque 2020

No seguinte enlace poderás ver o almanaque 2020 realizado polos alumnos e alumnas do centro.

Palabra do mes de novembro

.

Na foto podemos ver a Lucía, de 2ºB de primaria, coa palabra que escolleu: SARABIA. 

Segundo o dicionario da Real Academia Galega sarabia é: Chuvia conxelada que cae en forma de grans máis ou menos grandes.

As candidatas a palabras do mes foron: CENORIA, RIQUIÑO, LUAR, CAN, NADAL, PAPOULA e IMAXINAR.

Palabra do mes de outubro

Xa temos a nosa palabra gañadora do mes de outubro!!!

Na foto podemos ver a Enma, de 3º de primaria, coa palabra que escolleu: BESBELLO. Segundo o dicionario da Real Academia Galega ten dúas acepcións:

1. Insecto terrestre ou acuático que os pescadores de cana poden utilizar como engado.

2. Persoa que non para quieta, que anda sempre dun sitio para outro (figurado).

As candidatas a palabras do mes foron: BONECA, OUTONO, AMORODO, XOGUETE, LÚA, CURUXA e MAGOSTO.

 

Palabra do mes de xuño

A palabra gañadora do mes de xuño foi SARDIÑADA. Segundo a Real Academia Galega é "unha festa popular ou familiar onde se asan sardiñas". As outras palabras do mes foron: FOLGAR, MÁGOA, ENXEBRE, FOLLA e VERÁN.

Exposición Letras Galegas 2019

Taboleiro EDLG:

Mural "As Letras de Fraguas":

Palabra do mes de maio

A palabra deste mes foi BRUAR. Na RAG aparece como "[Boi ou outro animal] emitir a súa voz".

Na foto podemos ver a Selene, alumna de 5º de Primaria coa súa palabra.

As palabras finalistas foron: CHORIMA, RATIÑO, ESMORGA, RIQUIÑO, AMIZADE, XEADO e PEIXE.

As Letras de Fraguas

No seguinte vídeo o alumnado do colexio recita estrofas extraídas do libro Aportacións ao Cancioneiro de Cotobade de Antonio Fraguas.

Distribuir contido


by Dr. Radut