Skip to Content

Taboleiro de anuncios

Devolución dos libros de texto do Fondo Solidario do curso 2019-2020. Alumnado de 3º a 6º.

As familias do alumnado beneficiario dos libros de texto do Fondo Solidario 2019-20 deberán devolvelos no colexio en horario de 11:00 a 13:00h, nas seguintes quendas:

- 3º E.P.: luns, 15 de xuño.

- 4º E.P.: martes, 16 de xuño.

- 5º E.P. (grupos A e B): mércores, 17 de xuño.

- 6º E.P.: xoves, 18 de xuño.

As normas de acceso ao centro son básicas:

- Unha única persoa por familia para devolver os libros. Prohibido o acceso ao Centro con menores.

- Na entrada botar xel hidroalcohólico nas mans. Obrigatorio o uso de mascarilla dentro do Centro.

- Permanecer no interior o menor tempo posible.

- Horario de entrega dos libros de 11:00 a 13:00h, para non interferir con outras tarefas administrativas do Centro.

Por normativa legal da Consellería, é obriga de todas as familias devolver todos os libros prestados en bo estado, para poder recibir as axudas de libros de texto e material escolar para o curso 20-21.

Recollida de material e obxectos persoais do alumnado.

O Ministro de Sanidade confirmou que a Comunidade Autónoma de Galicia entra na Fase 2 da desescalada o luns 25 de maio, polo tanto o profesorado xa pode incorporarse aos centros educativos.

Sabemos que as familias estades desexando acudir ao Centro para recoller o material e os obxectos persoais dos alumnos/as que quedaron nel no inicio do Estado de Alarma. Para isto temos establecido unhas datas e unhas quendas para poder cumprir o protocolo de seguridade sanitaria, evitando aglomeracións.

As normas de acceso ao centro son básicas:

- Unha única persoa por familia para recoller as pertenzas do alumnado. Prohibido o acceso ao Centro con menores.

- Na entrada botar xel hidroalcohólico nas mans. Obrigatorio o uso de mascarilla dentro do Centro.

- Permanecer no interior o menor tempo posible.

- Horario de recollida de material de 11:00 a 13:00h, para non interferir con outras tarefas administrativas do Centro.

Quedan establecidas as seguintes quendas:

  • Martes 26 de maio de 11 a 13h: familias de 2ºA e 2ºB de Educación Primaria.

  • Mércores 27 de maio de 11 a 13h: familias de de Educación Primaria.

  • Xoves 28 de maio de 11 a 13h: familias de Educación Infantil (4º, 5º e 6º). Neste caso entregaranse os traballos realizados polo alumnado ao longo do curso.

  • Venres 29 de maio de 11 a 13h: recollida de material das actividades extraescolares (patíns) e familias das outras quendas que non poideran vir na quenda establecida para elas.

  • Luns 1 de xuño de 11 a 13h: familias de 3º e 4º de Educación Primaria.

  • Martes 2 de xuño de 11 a 13h: familias de 5ºA, 5ºB e 6º de Educación Primaria.

 

No momento de vir ao centro lembren facer a entrega dos libros de préstamo da Biblioteca do Centro e das Mochilas Viaxeiras que podan estar nos domicilios dos alumnos/as.

Proximamente comunicaremos as datas de entrega por parte das familias dos libros de texto do Fondo Solidario deste curso 19-20 (esta devolución é obrigatoria para percibir a axuda do vindeiro curso) e a entrega dos cheques e a publicación de listaxes do Fondo Solidario do curso 20-21.

Agradecemos de antemán a súa colaboración.

Aviso ás familias: publicación de cualificacións 2ª avaliación.

Estimadas familias:

Seguindo instrucións da Consellería de Educación, estamos a realizar a avaliación do alumnado deste 2º trimestre, exclusivamente cos datos dos que dispoñiamos ata o 12 de marzo. Todas as tarefas realizadas despois desta data non se van ter en conta de cara a avaliación.

Polo tanto, segundo estaba previsto, publicaremos as notas na aplicación Abalarmóbil o venres 3 de abril.

Por Lei de Protección de Datos é o único medio seguro de publicación das cualificacións, polo que, precisamos que os pais/nais que aínda non se teñen rexistrado en dita aplicación o fagan á maior brevidade posible.

Continuamos a desexarvos moita forza e ánimo para superar esta circunstancia excepcional que, sen dúbida, vai traer moitos cambios. Aínda que non esteamos presentes fisicamente, continuamos a estar á vosa disposición para todo o que precisedes.

Un afectuoso saúdo,

A Directora.

Cristina Culebras Yáñez.

AVISO IMPORTANTE: PECHE DO CENTRO

Estimadas familias:

Dada a situación actual de Estado de Alarma, este Centro Educativo permanecerá pechado mentres as Autoridades así o indiquen. Esperamos volver á normalidade o antes posible.

O Centro permanecerá pechado tamén a efectos administrativos. Seguindo as instrucións da Consellería de Educación, establécese unha semana de prazo para a presentación de solicitudes de admisión de xeito presencial, unha vez se reanuden as clases. Aconséllase empregar a vía telemática para presentar ditas solicitudes.

En canto as tarefas escolares do alumnado e a comunicación coas familias os mestres/as empregarán a aplicación Abalarmóbil e/ou o correo electrónico para o seu envío. Tamén irán colgando actividades nos diferentes blogs do Centro, enlazados nesta mesma páxina web. As dúbidas sobre os deberes escolares deben dirixilas aos correos electrónicos dos mestres/as.

Para calquera outra dúbida, consulta ou aclaración deben empregar o correo electrónico do centro:

ceip.anxo.dagarda@edu.xunta.gal

Manteremos a información actualizada, tamén a través da aplicación Abalarmóbil, seguindo posibles instrucións das autoridades competentes.

Un agarimoso saúdo e moito ánimo.

A Directora.

Cristina Culebras Yáñez.

 

Poden manterse informados en:

http://www.edu.xunta.gal/portal/

http://www.edu.xunta.gal/portal/familiasealumnado

https://www.xunta.gal/portada

 

Distribuir contido


by Dr. Radut