blogue deadmin

Hoxe no Dia Mundial da Bicicleta no cole quixemos concienciar ao alumnado da importancia do uso de este medio de transporte

sosteñible, san e divertido. Para iso, primeiro tivemos unha charla moi interesante sobre seguridade vial cando vamos na bici e

rematamos cun fantástico circuíto organizado polo club de ciclismo de Teis e o cal puidemos realizar cas nosas propias bicis!!

Aquí vos deixamos o menú de comedor do mes de maio.

Bo proveito!

Dentro do proxecto de Galicia Máxica, tamén temos moita variedade de música galega. Hoxe visitáronnos 3 membros da Escola de música de Chapela para contarnos un pouquiño máis sobre algúns instrumentos tradicionais galegos e achegarnos máis de cerca a música tradicional.

Por último rematábamos bailando e cantando a canción de Samuel Soto das letras galegas sobre Florencio Delgado Gurriarán.

BRAVO!! Todo un pracer tervos con nós. Grazas!! 

Xa está publicado no DOG a ORDE do 29 de abril de 2022 pola que se abre o prazo para o Fondo solidario de libros de texto e axudas para a adquisición de libros de texto e material escolar para o vindeiro curso escolar 2022-2023.

O alumnado que pode solicitar estas axudas é:

- 1º e 2º de Educación Primaria: Axuda para compra de libros e material.

- 3º a 6º de Educación Primaria: Préstamo de libros (fondo solidario) e axuda material.

* Presentación de solicitudes: ata o 22/06/2022

Para a solicitude tedes que acceder ao seguinte enlace: https://www.edu.xunta.es/fondolibros/

1º Abrirase a seguinte páxina e tedes que premer no botón de arriba á dereita:

2º Na seguinte páxina tedes que acceder coa chave 365 e o voso DNI:

Para solicitar a Chave 365 premer no seguinte enlace: https://www.xunta.gal/cita-previa?langId=es_ES

Para máis información sobre a Chave 365:  https://sede.xunta.gal/tramites-e-servizos/chave365?langId=es_ES

3º Tedes que premer na palabra "cidadán" (no menú da parte esquerda).

4º Nesta páxina, posteriormente, podedes consultar as solicitudes a través do DNI. Abaixo no botón laranxa prememos para "Crear unha nova solicitude"

5º Búsqueda do centro: Provincia de Pontevedra - Concello de Redondela - CEIP Plurilingüe Alexandre Bóveda

6º Seleccionar o alumno/a e iniciar solicitude. Se non aparece o alumno/a premer en iniciar solicitude para outro alumnado.

7º Cubrir os datos e premer en "presentación en papel no centro". En caso de querer presentalo de forma telemática non tedes que traer nada ao centro e premer no botón: presentación telemática.

Se a presentades no centro tedes que imprimir a solicitude e o anexo II e traelos ao centro asinados xunto cunha fotocopia do libro de familia e o orixinal, e de ser o caso fotocopia da sentencia de separación ou divorcio, certificado do grao de discapacidade...

O horario de presentación no centro será os luns e mércores de 9:00-9:30, os martes de 16:00-18:00 ou os xoves e venres de 13:00-13:30.

No caso de presentala na Sede Electrónica da Xunta non tedes que facer nada, chéganos un correo de aviso ao centro.

A continuación podedes ver a táboa-resumo das axudas segundo a renda do ano 2020.

Calquera dúbida tedes adxunto nesta publicación o manual de axuda ou podedes mandar un correo ao ceip.alexandre.boveda@edu.xunta.gal ou chamar ao 886120405.

Hoxe no cole tivemos a fantástica actividade de Normalización lingüística de Redondela, "Camiño da lingua " na que o alumnado de 5º e 6º de primaria aprenderon da lingua e cultura de Galicia Máxica.

Moitas grazas Concello de Redondela por facernos partícipes desta fantástica actividade

O pasado 12 de maio, o alumnado de 5º de primaria realizou unha saída á Biblioteca Municipal de Chapela Xela Arias onde nos

esperaba María José cunha actividade moi especial na que o alumnado aprendeu lendas, festas, ditos populares e curiosidades sobre

mitoloxía de Galicia 

Despois non podíamos irnos sen aproveitar os raios de sol e o parque que tíñamos ó lado!! 

Como nos gusta aproveitar os recursos que ofrece a nosa localidade!! 

No adxunto desta entrada podedes informarvos do Plan Xeral de Atención á Diversidade do noso centro.

No seguinte documento adxunto recóllense os criterios de cualificación de todos os cursos de educación primaria e especialidades do curso 2021 - 2022

“AÍ VEN O MAIO DE FLORES CUBERTO…”

Canto gozamos das tradicións galegas, nesta segunda xornada dos maios Velaquí un anaquiño das nosas coplas. Un aplauso, artistas!

E como non, non podían faltar as coplas dos nosos mestres e, xa por fin este ano, a participación das familias cunha representación das mesmas. Moitísimas gracias a todos/as por esta xornada de Maios 2022. Para o ano máis e mellor!!

O noso cole está cheo de grandes artistas!!! Bravo!!

O alumnado de 5º de Primaria, acudíu o xoves día 28 de abril a Radio Vigo.

Foi unha visita na que houbo un traballo previo no centro e na que todos crearon un programa de radio.

Alí, tivemos a oportunidade de grabar unha cuña para a promoción do noso centro e ademáis, coñecer as diferentes instalacións.

Posteriormente, baixamos a TeleVigo, onde disfrutamos vendo o set de control e como se crea a pragramación dunha canle de televisión. 

Ademáis, gozamos moito facendo preguntas e sendo os presentadores dun telexornal!!

 Nos anexos podedes escoitar o resultado destes fantásticos Podcast!!!