Queres descubrir os espazos que marcaron a creación de dúas obras emblemáticas, Á lus do candil e Terra brava de Ánxel Fole?

Da man de Armando Requeixo Cuba  coñeceremos A Veiguiña, Quiroga, Leixazós, A Ferreiría, O Incio... os principais espazos que inspiraron e que aparecen reflectidos na súa produción narrativa. Pero tamén mesturaremos literatura, historia e xeografía xa que o Courel nos achega múltiples posiblidades de traballar interdisciplinariamente.

Ánxel Fole residiu na bisbsrra do Courel (Quiroga e O Incio, durante máis de doce anos, desde 1941 ata 1953 o que lle serviu como un refuxio protector logo da Guerra Civil, fuxindo de posibles represalias pola súa militancia galeguista no período de preguerra.

Datos de interese:

• Relator: Armando Requeixo Cuba
• Lugar: O Courel e O Incio
• Data: 8 de novembro
• Código en fprofe: G2503003

Datas: os mércores, 22 de outubro e 5, 12 e 26 de novembro

Horario: 17 a 20 horas

Lugar: Aula 6 do CIFP Compostela

Relator: Raúl Bugallo Lago

Duración: 12 horas presenciais e 3 horas de traballo individual que haberá que expoñer para acadar a cualificación de APTO

Inscrición aberta en Fprofe ata o 13 de outubro

Esta acción formativa está dirixida ao profesorado interesado en participar no programa Erasmus+. O seu obxectivo é ofrecer recursos e orientación práctica para a solicitude de acreditación Erasmus+, así como para a redacción e presentación de proxectos, tanto de curta como de longa duración. Ademais, afondaremos en boas prácticas desenvolvidas en accións KA1 e KA2, coñeceremos a experiencia Erasmus+ dun centro de Educación Primaria e achegarémonos tamén á presentación de proxectos e boas prácticas levadas a cabo nun centro de Educación Secundaria. Será, tamén, unha ocasión para coñecer de primeira man experiencias reais e intercambiar ideas arredor das boas prácticas que están a transformar a internacionalización dos centros educativos.

Contidos:

Acreditación ERASMUS+. Redacción de proxectos e presentación de solicitudes.

Solicitude ERASMUS+ de curta duración. Redacción de proxectos e presentación de solicitudes.

Boas prácticas en accións KA1 e KA2. Experiencia nun centro de Educación Primaria

Presentación de proxectos e boas prácticas. Experiencia ERASMUS+ nun IES.

Persoas relatoras:

Sonia Vázquez Gómez

Patricia Ares Yáñez

Ajejandro Varela Raña

José Miguel Besada Porto

Lugar

CAFI. 17 e 18 de Outubro 2025

Nun mundo cada vez máis conectado, a escola ten un papel esencial na formación cidadá dixital. Esta actividade de formación ao profesorado busca ofrecer ferramentas para garantir a privacidade, reforzar a seguridade e promover o benestar dixital do alumnado. Ademais de achegar estratexias prácticas, será un espazo de intercambio de experiencias e boas prácticas, favorecendo unha cultura dixital segura, crítica e saudable nas aulas.

Código Fprofe S2501134

Contidos:

Protección de datos persoais

Privacidade e dereitos dixitais

Identidade, responsabilidade e benestar dixital

Tipos de licenzas e dereitos de autoría

Persoas relatoras:

José E. Torres Meira

Mónica Santiso Lareo

Sindo Monteagudo Domínguez

Fernando Suárez Lorenzo

Lugar

CAFI. Santiago de Compostela

O profesorado somos un colectivo que temos a voz como a principal ferramenta de traballo. É moi frecuente que o seu uso diario durante longas horas obrigue a un esforzo que vaia deteriorando pouco a pouco a súa calidade e é moi complicado recuperala sen someterse a tempadas de repouso. Malos hábitos de vida, acompañados dun mal uso desta pode provocar longas tempadas de afonía.

Este problema pode agravarse ata impedir o exercicio da nosa profesión. Por este motivo, o coidado da voz e a aprendizaxe de técnica vocal que fomenten o seu bo uso e eviten a aparición de alteracións gañan especial relevancia na nosa profesión. Neste curso imos achegarche esa información básica para o bo coidado e hixiene da voz.

Datas de realización: outubro (15-22-29) e novembro (5-12-19-26)

Horario: de 17:00 a 20:00h (15 de outubro de 17:00 a 19:00h)

Lugar: Aula 9 do CAFI en Santiago de Compostela

Relator: Pablo García Ferradás

Código en fprofe: S2501141

Proposta baseada en estacións con tarefas variadas que permiten practicar as catro destrezas lingüísticas de forma activa, colaborativa e motivadora.

O coidado da voz e a aprendizaxe de técnica vocal fomentan o seu bo uso e evitan a aparición de alteracións, algo relevante na profesión docente. Neste curso achégase información básica para o bo coidado e hixiene da voz.

O posto de secretario/a de centro escolar demanda unha serie de competencias fundamentais para poder desempeñar adecuadamente o traballo que require. A xestión dos centros e a resposta eficaz ás demandas administrativas son primordiais para o bo funcionamento do centro escolar.

Este curso está orientado a formar ao secretario dun centro de Educación de Infantil e Primaria e de Educación Secundaria, Formación Profesional... e ten como obxectivo a aprendizaxe da xestión e administración do centro co fin de perseguir o bo funcionamento deste.

Ao longo do curso abordaranse aspectos relacionados coa xestión e a administración do centro: a xestión económica, a xestión do persoal e estratexias para a comunicación. Así mesmo, propoñerase unha aproximación á lexislación actualizada.

Competencias profesionais

• Competencia en organización escolar e colaboración - Xestión de centro e calidade.
• Competencia en organización escolar e colaboración - Coñecemento da normativa actualizada.

Obxectivos:

1. Coñecer os aspectos normativos aplicables na secretaría dun centro educativo da Consellería de Educación.
2. Saber xestionar os recursos económicos e persoais dun centro educativo da Consellería de Educación.
3. Favorecer a adquisición e actualización das competencias precisas das persoas secretarias dos centros educativos.

Contidos:

1. Normativa aplicable na secretaría dun centro educativo da CECUFP.
2. Xestión teórico-práctica dos recursos económicos e do persoal no docente do centro educativo.
3. Prevención de riscos laborais.

Datas e horario:

• Xoves, 1 de outubro de 2025.
• Xoves, 9 de xaneiro de 2025.
• Xoves, 16 de febreiro de 2025.  

Lugar de realización:

• Escola Galega de Administración Pública (EGAP). Santiago de Compostela. 

Pódese consultar a información detallada en Fprofe: G2502008

Esta proba só é válida para coñecer o nivel que se posúe á hora de inscribirse nun curso CALC ou por outra parte, para aquelas persoas que non poidan xustificar o nivel anterior ao que se queren inscribir. 

Datos de interés:

• Data: jueves, 18 de novembro de 2025
• Hora: das 18:00 ás 19:00 horas
• Lugar: Aula 9 do CAFI

Inscrición nos cursos CALC 

Seguimos apostando forte polas Linguas estranxeiras neste inicio de curso. Na EOI de Santiago de Compostela, nas súas diversas seccións (Sar e Noia) tes a oportunidade de participar nos cursos CALC (Curso de actualización lingüística e comunicativa) dirixidos ao profesorado cos que mellorar a túa competencia lingüística e comunicativa e darlle un novo pulo á túa práctica docente. Estes cursos están orientados ao desenvolvemento das destrezas orais e da competencia comunicativa nunha lingua estranxeira, co fin de que o profesorado participante consiga a capacidade expresiva necesaria para poder impartir as súas aulas baixo estas premisas. Por este motivo, os CALC están dirixidos, preferentemente, ao profesorado de centros plurilingües e seccións bilingües que debe dar a súa materia en lingua estranxeira, pero pode matricularse calquera profesor que desexe acreditarse para impartir áreas, materias ou módulos non lingüísticos nunha segunda lingua.

Está aberto o prazo para a inscrición nas seguintes actividades con prazas libres:

Sección de Sar

• S2501168  Formación para profesorado en inglés. Nivel B2 

Horario: luns e xoves das 18:00 h. ás 20:00 h.

Sección de Noia

• S2501165  Curso de actualización lingüística e comunicativa (CALC). Inglés nivel B2

Horario: xoves das 17:30 h. ás 19:30 h.

​​​​

• S2501166  Curso de actualización lingüística e comunicativa (CALC). Inglés nivel C1

Horario: martes das 17:30 h. ás 19:30 h.