Skip to Content

Actividades do Ciclo

O ALUMNADO DO CICLO NA XORNADA DE DEPOEMPRENDE 2019

Onte, día 27 de marzo, o alumnado do ciclo asistiu á Deputación de Pontevedra ao acto de presentación dos dous proxectos seleccionados que fixeron ao longo deste trimestre no módulo de "Administración, xestión e comercialización na pequena empresa" que imparte a profesora Cristina Blanco Becerra.

Presentaron dous proxectos:

Octopus Adventurer consistente en actividades de turismo activo como roteiros en piragüa, bicicleta, senderismo e rocódromo con pisicina. O grupo está formado por Uxía Paz, Alejandro Burguillos, Luis Fernández e Kevin Barcia.

Blind runner consistente en realizar bicicleta, sendeirismo e  carreiras por montaña, estas dúas últimas adaptadas para cegos. O grupo está formado por Jorge Fernández, Óscar Santiago e Leyla Rouco.

XORNADA SOBRE AS ACTIVIDADES FÍSICO-DEPORTIVAS 2019

LINGUA, CULTURA E PATRIMONIO
NO MEDIO NATURAL
 

O IES Terra de Turonio organiza unha xornada técnica sobre as posibilidades que ofrece o sector turístico en Galicia e no Norte de Portugal a partir dos ciclos profesionais de actividades físico-deportivas no medio natural. Está destinada ao profesorado e alumnado dos ciclos profesionais que se imparten en  5 institutos de Galicia: Porto do Son, Arteixo, Silleda, Poio e Gondomar.

O IES Terra de Turonio, en colaboración coa Xunta de Galicia, organiza o mércores día 13 no Auditorio Neira Vilas da Cidade da Cultura, unha xornada sobre a interpretación da cultura, o patrimonio e o turismo nas actividades físicas e deportivas. O instituto Terra de Turonio imparte desde o curso 2004/05 o ciclo profesional “Condución de actividades físico-deportivas no medio natural”   que tamén se imparten noutros catro centros de toda Galicia.

 

No Norte de Portugal, na vila de Melgaço, a Escola Superior de Desporto e Lazer é unha das escolas do Instituto Politécnico de Viana do Castelo,  hai unha facultade de ensino superior que imparte estas ensinanzas cun enfoque centrado no medio natural.

 

 https://www.xunta.gal/notas-de-prensa/-/nova/38311/valentin-garcia-destaca-papel-deporte-promocion-galego

 

 

 

 

 

Alumnado do Ciclo no Camiño de Santiago Curso 2017/18

 

Institutos de Arteixo, Porto do Son, Poio e Gondomar unidos polo camiño portugués

 

 

COMPARTINDO O CAMIÑO

 

 Os ciclos formativos de “Actividades físico-deportivas no medio natural “ que se imparten en Galicia realizan o Camiño portugués pola costa desde Gondomar para especializarse tanto no guiado de grupos como na valorización do patrimonio cultural.

 

Os dias 16, 17 e 18 de abril alumnado e profesorado procedente dos institutos de Poio, Terra de Turonio de Gondomar ( Pontevedra ), de Sabón ( Arteixo ) e Porto do Son ( A Coruña ) reuníronse no IES Terra de Turonio para realizar o camiño portugués pola costa a partir de Gondomar. O primeiro dia foi de convivencia e coordinación entre o profesorado e alumnado dos catro institutos. O camiño realizouse en dúas etapas. O día 17 saíron de Gondomar a Nigrán pasando por Vigo, Redondela, Pontevedra ( con visita ao casco histórico) para pasar a noite en Caldas de Reis; despois de facer 90 quilómetros, aloxáronse nun albergue.

 

O día 18 fixeron 50 quilómetros entre Caldas de Reis e Santiago de Compostela, pasando por Padrón e Teo.

 

Na capital de Galicia visitaron a catedral e o núcleo histórico para coñecer os principais itinerarios para facer con grupos

 

A práctica de condución de grupos en bicicleta é un dos módulos que se imparten nestes institutos ademais de monta a cabalo e sendeirismo polo medio natural. Este alumnado recibe unha formación práctica conectada co mundo laboral que posteriormente realizarán nas prácticas en empresas. Un grupo do IES Terra de Turonio de Gondomar realiza estas prácticas em Malta, Portugal e Italia ao abeiro do programa Erasmus+.

 

 

Distribuir contido


by Dr. Radut