Protocolo de Alerta Escolar
A Consellería de Educación e Ordenación Universitaria, en colaboración coa Fundación 061, puxo en marcha un programa que ten como obxectivo a atención inmediata e eficiente do alumnado que presente unha patoloxía crónica e que poida desenvolver en calquera momento unha crise. Serían patoloxías crónicas susceptibles de descompensación con compromiso vital:
· Crises alérxicas (anafilaxia) por exposición a alérxenos, normalmente alimentarios.
· Crises comiciais (epilepsia en todas as súas formas).
· Crises diabéticas (en xeral, por hipoglicemia).
Este programa pretende a coordinación entre o profesorado e a Central de Urxencias Sanitarias 061, para que no centro educativo se poida recoñecer a urxencia médica provocada por ditas patoloxías e poder prestar unha primeira atención mentres chegan os recursos adecuados.
Que ten que facer a familia para inscribir ao seu fillo/a neste programa?
· Cubrir o formulario de inscrición no programa de Alerta Escolar
· Cubrir e asinar a autorización da familia
· Aportar un informe médico con toda a información relevante da súa patoloxía
Pódense descargar os fomularios no enlace de abaixo e presentalos no centro
Adxunto | Tamaño |
---|---|
Formularios Alerta Escolar.pdf | 709.77 KB |