Máis fotografías neste álbum
O Programa Divulgaciencia segue a dar pasos mentres o profesorado e o alumnado continúan a traballar nos proxectos que exporán na I Feira da Ciencia, que se vai desenvolver o vindeiro 5 de maio na Alameda de Talo Río. Ata entón, aínda haberá novas actividades para proxectar fóra das aulas coñecementos que se traballan no centro e viceversa.
☝️ Esta semana o alumnado de 1º ESO participou nos obradoiros "Investigando a natureza", que consistiron en aprender o que conleva poñer en marcha unha investigación seguindo o método científico realizando ensaios e probas de laboratorio con tubos de ensaio ou cromotografías de mostras recollidas en aula.
☝️ Pola súa banda, os alumnos e alumnas de 3º ESO achegáronse ao mundo dos drons con "Droneando". Así, traballaron diferentes aspectos de aerodinámica e crearon un dron a partir de elementos predefinidos para poñer a proba as habilidades de pilotaxe.
Este programa municipal conta co financiamento da FECYT, a Federación Española de Ciencia e Tecnoloxía.
