Neste podcast de Na Onda do Mella , poderedes coñecer como se desenvolveu o devandito Proxecto Lagares durante este curso 2022-2023 no IES Ricardo Mella, grazas a alumnado de 3º e de 1º ESO, que vos porá ao día sobre as características do tramo do río Lagares visitado nas diferentes saídas didácticas.

Por outra parte, durante o programa tamén poderedes escoitar as persoas especialistas que acompañaron o alumnado nas saídas, como Xosé Couñago Ribeira, profesor e divulgador cultural;  ou Paco Bañobre, membro da Asociación Ecoloxista ADEGA.

Ademais, na derradeira parte, o alumnado condutor do programa repasará algunhas das actividades feitas para este proxecto; como o xogo da descuberta ou a creación de herbarios...

Avante co Proxecto Ríos!! Hai vida no Lagares!!  #proxectolagares #proxectoríos #edlgmella

Escoitar en: https://www.ivoox.com/episodio-final-proxecto-lagares-16-6-2023-audios-mp3_rf_110652271_1.html

Xa están no aire os catro episodios de "As Mariñeiras", programa especial de Na Onda do Mella dedicado ás imaxes do patrimonio cultural, gravados esta pasada semana polo alumnado do IES Ricardo Mella e que serán presentados ao 6º Certame de Recolla das Imaxes e Podcasts do Patrimonio Inmaterial Galego-Portugués de Ponte nas Ondas.

Episodio 1: no que alumnado de 1º ESO e de 1º FPBA nos presenta unha foto enviada ao concurso por Marta, alumna de 2º BACH, na que se pode ver ao seu bisavó...Non perdades este programa, pois ademais escoitaremos a propia avoa de Marta, contando datos moi interesantes sobre a fotografía... Ligazón en: https://www.ivoox.com/as-marineiras-1-os-maquis-15-6-23-audios-mp3_rf_110494397_1.html

Episodio 2: no que alumnado de1º ESO e de 1º FPBA nos presenta unha foto enviada ao concurso por Sila, alumna de 2º BACH, na que se pode ver ao seu avó na emigración en Alemaña. Non perdades este programa, pois ademais escoitaremos a propia Syla e o seu avó, contando datos moi interesantes sobre a fotografía... Ligazón en: https://www.ivoox.com/as-marineiras-2-a-emigracion-15-6-23-audios-mp3_rf_110497476_1.html

Episodio 3: no que alumnado de 3º ESO nos presenta unha foto enviada ao concurso por Julio, alumno tamén de 3º ESO, na que se pode ver a súa avoa na romaría das Candeas, en Castrelos (Vigo). Non perdades este programa, pois ademais escoitaremos o propio Julio e o seu pai, contando datos moi interesantes sobre a fotografía... Ligazón en: https://www.ivoox.com/as-marineiras-3-a-romaria-das-candeas-15-6-23-audios-mp3_rf_110499354_1.html

Episodio 4: nesta ocasión, o alumnado de 1º ESO preséntanos unha foto enviada ao concurso por Alexandre, tamén alumno de 1º ESO, na que se pode ver a súa tataravoa nun fiadeiro de liño. Non perdades este programa, pois ademais poderedes escoitar as voces de Alexandre e da súa propia avoa, contando datos moi interesantes sobre a fotografía... Ligazón ao programa en: https://shorturl.at/ghoP9

Así que xa sabedes! Escoitade As Mariñeiras!! #asmariñeiras #osmaquis #aemigración #ascandeas #osfiadeiros

O pasado xoves 8 de xuño o alumnado participante (1º ESO, 4ºESO, 1ºBACH, 1º FPB) no Proxecto Mámoas, proxecto ao abeiro dos Plans Proxecta 2022-2023 desenvolvidos no IES Ricardo Mella, puido gozar coa charla realizada polo especialista en técnicas fotogramétricas, Manuel García Ávila. Nesta interesante sesión, o relator explicou o proceso para a a aplicación da fotogrametría en elementos megalíticos ou rupestres, como dolmens ou petróglifos. Alén das explicacións sobre o proceso de realización, tamén puidemos ver parte do seu traballo aloxado en Sketchfab (https://sketchfab.com/3d-models/mamoa-de-casa-dos-mouros-445d2589441d43a9b53a9fd48e32cf54) ou coñecer outras aplicacións da fotogrametría, como o modelado 3d, que poderá ser dunha grande utilidade no ámbito megalítico-rupestre que aborda este proxecto. Ademais, foi para nós un orgullo ter a Manuel G. Ávila novamente no noso IES, pois non hai moito tempo formou parte do mesmo como alumno...

Adiante co Proxecto Mámoas! #edlgmella

O pasado martes 6 de xuño, o grupo de 1º ESO do IES Ricardo Mella viaxou ata Santiago de Compostela para recoller o seu trofeo e os seus agasallos por seren finalistas da V edición dos premios internacionais de podcasts "O vello dos contos" co seu podcast enviado a concurso e titulado "Don Paco, eterno". A cerimonia de entrega, celebrada no IES Rosalía de Castro e conducida por Aser Álvarez, director da produtora Arraianos, contou tamén coa presenza de Anxo Angueira (mestre, poeta e presidente da Fundación Rosalía),  Valentín García (secretario Xunta) ou mesmo coa propia Lola Mosquera, filla do homenxeado con este concurso, Xosé Mosquera Pérez, O Vello dos Contos. Ademais, a xornada foi completa, pois o alumnado que se desprazou ata Compostela gozou cunha marabillosa mañá de sol, na que puideron visitar emprazamentos como a Catedral de Santiago ou o Pazo de Fonseca... Viva a radio escolar! Viva o vello dos contos! Viva don Paco Eterno!! #NaondadoMella #EdlgMella #DonPacoEterno

PLANS PROXECTA  2022-2023  IES RICARDO MELLA

No curso 2022-2023, desenvolvéronse os seguintes Plans Proxecta:

38. Proxecto de innovación en dinamización lingüística

20. Proxecto Ríos

01. Aliméntate ben

10. Donas de si

26. Xente con Don

	Proxectos de innovación educativa en dinamización lingüística - Proxecto Mámoas:    ​Facebook Proxecto Mámoas  Youtube Proxecto Mámoas  Ivoox Proxecto Mámoas  Memoria Proxecto Mámoas
	Plan Proxecta "Proxecto Ríos" - Proxecto Lagares:​​   Facebook Proxecto Lagares  Ivoox Proxecto Lagares Memoria Proxecto Lagares
	Plan Proxecta "Aliméntate ben"   Actividades realizadas
	Plan Proxecta "Donas de si"   Memoria Plan Proxecta "As que contan" BLOG Construindo iguais no Mella Presentación Canva resumo Actividades Proxecta
	Plan Proxecta "Xente con Don"