Información Seguro OPCIONAL Viaxe Fin de Curso

Na reunión mantida hoxe coa responsable da Axencia de Viaxes que vai xestionar a viaxe Fin de Curso de 4º ESO e 2ºFPB informouse da posibilidade de que cada alumno/a que o desexe pode contratar, de xeito persoal e individual, un seguro ante a posible cancelación da viaxe.

 

Acompáñanse os documentos remitidos pola axencia, lembrando sempre que se trata dun seguro OPCIONAL e que se xestiona directamente coa Axencia.

Documento 1: Causas de Anulación 

Documento 2: Condiciones Generales Seguro Base

Documento 3: Resumen Seguro Base 

Aquelas persoas interesadas en contratar este seguro deben contactar directamente coa Axencia, no teléfono de contacto que figura na documentación entregada na reunión. 

Inicio do procedemento de reserva de alumnado curso 2024/2025 15 de xaneiro ao 5 de febreiro (PECHADO). ADMISIÓN DO 1 AO 20 DE MARZO (ESO/BACHARELATO) PECHADO

Inicio do procedemento de admisión de alumnado en centros docentes sostidos con fondos públicos para o curso 2024/2025. PRAZO PECHADO

 
 
Lun, 15/01/2024 - 09:00

 RESERVA

Fase de reserva de prazas en centros de adscrición ao IES Primeiro de Marzo: Colexios de Fontes, Sabarís, Oia e CPI Cova Terreña  PRAZO PECHADO

AVISO: TODAS AS SOLICITUDES DE RESERVA DOS CENTROS ADSCRITOS  FORON ADMITIDAS E TEÑEN A PRAZA ADXUDICADA PARA O CURSO 24/25

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de presentación de solicitudes abranguerá do 15 de xaneiro ao 5 de febreiro do 2024, ambos incluídos.

Tanto a presentación das solicitudes como a consulta das listaxes de admitidos, que se publicarán o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

________________________________________________________________________________________________________________________________________________________________

 ADMISIÓN

                                           PORTADA DA WEB  DE ADMISIÓN (1 ao 20 de marzo)

                                                           PECHADO

Aplicación de xestión das solicitudes de admisión para alumnos de Educación Infantil, Primaria, Ensinanza Secundaria Obrigatoria e Bacharelato en centros sostidos con fondos públicos.

 
(https://www.edu.xunta.gal/admisionalumnado/)

SOLICITUDE DE ADMISIÓN: PRAZO DE 1 AO 20 DE MARZO

Normativa e manuais

 

Para presentar unha solicitude deberá seguir ALGUNHA das opción descritas a continuación:

  1. Cubrir a solicitude informáticamente e presentala asinada de xeito manual no centro:
    Para presentar a solicitude presencialmente no centro deberá seleccionar a opción de menú “Solicitudes --> Reserva/Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

  2. Cubrir a solicitude informáticamente e asinala en Sede Electrónica: 
    Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente

  3. ENLACE DIRECTO DA SEDE XUNTA: https://sede.xunta.gal/portada

  4. presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar solicitude.
    IMPORTANTE: Debe achegar, na Sede Electrónica da Xunta de Galicia, o anexo bis dixitalizado.

  5. Cubrir a solicitude de ADMISIÓN manualmente e presentala asinada presencialmente no centro

Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

        ADMISIÓN: (Cambio de centro distinto do que está matriculado na actualidade ESO/BACHARELATO), presenta a solicitude no centro elexido en 1ª opción (do 1 de marzo ao 20 de marzo)

 

OFERTA DE PRAZAS PARA ADMISIÓN DOS CURSOS DA ESO OU BACHARELATO, SOLICITUDES DO 1 AO 20 DE MARZO

1º ESO      25  (3 GRUPOS)

2º ESO      22  (2 GRUPOS)

3º ESO        3  (2 GRUPOS )

4º ESO      15  (2 GRUPOS + 1 DE PDC)

1º BACH    54 (DÚAS MODALIDADES) (3 GRUPOS)

2º BACH    56 (DÚAS MODALIDADES) (3 GRUPOS)

DOCUMENTACIÓN QUE DEBERÁ APORTAR: COPIA LIBRO DE FAMILIA, COPIA DNI PROXENITORES, DNI ALUMNO/A, CERTIFICADO EMPADROAMENTO. EN CASO DE SEPARACIÓN/DIVORCIO, COPIA DO CONVENIO OU RESOLUCIÓN XUDICIAL, certificado da actual matrícula e certificado de 3º ESO coa nota media. Horario de secretaría de 9 a 14 horas

AO FINAL DESTA INFORMACIÓN ESTÁ O ADXUNTO co modelo de solicitude PARA PRESENTAR PRESENCIALMENTE NO CENTRO

O ENLACE DA APLICACIÓN É: admisionalumnado (https://www.edu.xunta.gal/admisionalumnado/)

 Enlace informativo do mapa educativo e datos de interese dos centros en Galicia: https://www.edu.xunta.gal/centroseducativos/AbrirSesion.do

Normativa de aplicación:

  • DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. https://www.xunta.gal/dog/Publicados/2022/20220211/AnuncioG0598-040222-0004_gl.html
  • ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C). https://www.xunta.gal/dog/Publicados/2022/20221108/AnuncioG0655-281022-0001_gl.html

 

 

 
 

CONVOCATORIA PROBAS ACCESO AOS CICLOS

Probas de acceso a ciclos formativos de grao medio e superior. Orde da convocatoria 2024

 
 
Mar, 09/01/2024 - 15:43

Publicada a Orde do 21 de decembro de 2023 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2024 (códigos de procedemento ED312C e ED312D).

Prazo de presentación de solicitudes:

  • Probas de acceso a ciclos formativos de grao medio: O prazo de presentación de solicitudes estará abranguido entre os días 26 de febreiro e 8 de marzo de 2024, ambos os dous incluídos.
  • Probas de acceso a ciclos formativos de grao superior: O prazo de presentación de solicitudes estará abranguido entre os días 29 de xaneiro e 9 de febreiro de 2024.

Máis información

 
 

Premiados no Concurso de Adornos de Nadal con materiais reciclados do Concello de Baiona

O alumnado de 2º FP Básica ven de recibir o 5º premio no I Concurso de Adornos de Nadal con materiais reciclados organizado polo Concello de Baiona.

        

 A participación neste concurso foi impulsada pola ANPA Balcaixa do IES Primeiro de Marzo, quen prestou en todo momento a súa inestimable colaboración.

Recoñecer así mesmo a labor do profesor Telmo Pera, quen coordinou ó alumnado no deseño e execución do seu premiado adorno de Nadal.

 Parabéns a todas e todos!   

Concurso de Podcast do Club de Lectura

  1º Poderá participar todo o alumnado do centro.

 

  2º A participación pode ser individual ou en parellas.

 

  3º O concurso consiste na elaboración dun podcast sobre algún dos

  cómics propostos polo Club de Lectura.

       Deberá ter formato .mp3/.wav, e unha duración mínima de 3 minutos e máxima de 5.

       Os martes, mércores e xoves de xaneiro, durante o recreo,  poderás utilizar a Radio para facer a gravación.

 

4º O podcast deberás envialo ao correo biblioprimeiromarzo@gmail.com indicando no asunto Concurso podcast Club de Lectura, e no corpo do correo os nomes do ou dos autores/as e como adxunto o podcast.

 

5º Data límite de presentación 31 de xaneiro.

 

6º Haberá un premio ao mellor podcast nas categorías: 

                        1º Ciclo da ESO

                        2º Ciclo da ESO + FPB

                        Bacharelato + Ciclo Superior

Portas Gañadoras do Concurso de Nadal

Aquí tendes as portas gañadoras do concurso.

  • Categoría APALPADOR: Grupos da ESO e de FP Básica

1º Posto: 4º ESO-C, coa súa porta “Perillas Navideñas”

  

2º posto: 1º ESO-B “A Casa do Apalpador”

3º posto: 3º ESO-B “Percebiños. Nadal na Ría”

 

  • Categoría CANTOS DE REIS: Grupos de Bacharelato e Ciclo Superior

1º Posto: 2º Bach A+B coa súa porta “Cartas axs profxs magxs”

     

  

2º posto: Empate entre 1ºBach-C “Abel Xenxibre” e 1º Ciclo Superior ASCT “Decoración Navideña”

3º posto: 2º Ciclo Superior ASCT “Duendes Tolxs”

 

  • Categoría especial TIZÓN DE NADAL: Departamentos de Profesorado e Persoal Non Docente

 1º Posto: Departamento de Lingua Castelá + Latín coa porta “O Noso Nadal”

  

2º posto: Departamento de Servizos Socioculturais e á Comunidade “Un Nadal cheo de palabras-agasallo”

3º posto: Empate entre Departamento de Ciencias Naturais + Física e Química “Feliz Solsticio” e Departamento de Xeografía e Historía + Filosofí + Relixión “Nadal (con Corazón)”

 

Parabéns as persoas autoras das decoracións gañadoras, e moitas grazas a todos os grupos de alumnado, profesorado e persoal non docente que se animou a participar deste concurso!!

Gañadores do concurso de iniciativas didácticas de tecnoloxía para os dereitos humanos no ensino secundario galego

O noso IES resultou gañador do concurso iniciativas didácticas de tecnoloxía para os dereitos humanos no ensino secundario galego organizado por Enxeñería Sen Fronteiras.

A proposta consiste na reparación e actualización de equipos informáticos avariados ou obsoletos e retirados de uso, mediante a recuperación de compoñentes doutros equipos, de xeito que se lle dea unha nova vida útil.

Os novos equipos, que serán montados polo alumnado das materías do Departamento de Tecnoloxía, posteriormente serán distribuídos no propio IES así como entregados a entidades sociais da contorna, xenerando un impacto social na comunidade impulsado dende o noso centro de ensino.

 

Parabéns ó profesorado e o alumnado participante desta fantástica iniciativa. 

 

Actividades recadación fondos Viaxe Fin de Estudos

O alumnado de 4º ESO e de 2º FPB, co apoio da ANPA e das súas familias, está a mobilizarse para recadar fondos que lle permitan realizar a súa viaxe Fin de Estudos.

 Para iso están a desenvolver distinta actividades, entre elas unha Festa Pre-Fin de Ano e un Mercadiño de Nadal.

 Achegamos cartaces coa información.

  

Animamos a toda a comunidade educativa a participar das mesmas e a darlle a maior difusión posible para que sexan todo un éxito!

Proxecto Dinamización de Lingua Galega

A partir do mes de Xaneiro o noso IES participará activamente na campaña "Aquí tamén se fala Galego", co impulso do Equipo de Dinamización da Lingua Galega.

 

Tedes máis información na web:   #AQUÍTAMÉNSEFALA

AVISO: FESTIVO DOCENTE. 7 DE DECEMBRO

LEMBRAMOS QUE O 7 DE DECEMBRO NON HABERÁ CLASES POR SER FESTIVO DE EDUCACIÓN, POR TANTO RETORNAN AS CLASES O LUNS, 11 DE DECEMBRO.

SAÚDOS.

Distribuir contido