Skip to Content

Bioloxía e Xeoloxía

MUNCYT DOMUS CORUÑA

17/01/2024 11:30

O alumnado de 3º ESO realizou unha saída á cidade da Coruña para visitar os museos de Ciencia e Tecnoloxía (MUNCYT) e a Domus: casa do home.

No Muncyt fixeron un obradoiro sobre química estudando o pH de diferentes substancias e coñeceron algúns dos inventos de investigadores e investigadoras españolas, tamén puideron observar de cerca as características dos boeing 747. Na Domus interactuaron con diferentes actividades sobre o corpo humano.

Para ver máis fotos pulsar AQUÍ.

 

BIOBLITZ. ESTUDO DA BIODIVERSIDADE

18/11/2023 17:41

O 17 de novembro, o alumnado de 1º de Bacharelato de Bioloxía e Xeoloxía, Anatomía e Cultura Científica, participaron nunha actividade para estudar a biodiversidade.

Un bioblitz é unha actividade para estudar a biodiversidade dunha zona concreta, neste caso da parroquia de Baroña, grazas á invitación da súa Comunidade de Montes. 

Para esta actividade usamos a aplicación i.Naturalist que axuda na identificación das especies e permite crear proxectos de ciencia cidadá, para que entre todos coidemos do noso planeta.

BIOBLITZ. ESTUDO DA BIODIVERSIDADE

17/11/2023 16:30

O 17 de novembro, o alumnado de 1º de Bacharelato de Bioloxía e Xeoloxía, Anatomía e Cultura Científica, participaron nunha actividade para estudar a biodiversidade na parroquia de Baroña.

 

 Para ver máis pulsar AQUÍ

EXPOSICIÓN DE COGOMELOS

10/11/2023 15:36

O outono é época de setas, e o alumnado de 1º da ESO preparou unha exposición con exemplares dos nosos montes.  Non sabemos o motivo mais este ano houbo pouca variedade, cantidade e calidade, esperemos que o para o ano mellore a colleita!

A exposición atópase no corredor do primeiro andar ao lado da biblioteca.

Animádevos a botar unha ollada!

 

TALLER MICOLÓXICO

18/10/2023 21:39

 

O mércores 18 de outubro, aproveitando  a tempada de cogomelos, o alumnado de 1º da ESO participou nun taller micolóxico impartido pola asociación AMABUL

 

 

 O alumnado puido coñecer as características do reino dos Fungos, os exemplares máis característicos que se poden observar polos nosos montes e algunhas curiosidades destes seres vivos.

 

 

 

 

 

LIMPEZA SIMULTÁNEA DE PRAIAS ADEGA

06/10/2023 15:53

O día 6 de outubro o alumnado de 3º da ESO participou na “Limpeza simultánea de praias” organizada pola asociación ecoloxista ADEGA.

 

Trátase dunha actividade de concienciación ambiental e reivindicativa, onde se pon o foco no modelo de consumo, xa que non só é importante o tratamento axeitado do lixo para que non acabe nos océanos, se non, un cambio de modelo onde se produzca menos para vivir mellor.

 

 

XII OLIMPÍADA XEOLÓXICA

26/02/2021

O alumnado da materia de Xeoloxía de 2º Bacharelato participou na XII Olimpíada Xeolóxica (este ano virtual) e os resultados, por segundo ano consecutivo, foron excelentes. Laura Pego quedou segunda na categoría individual, e por outra banda, Érika Vila, Rita Vila, Marta Olveira e María Calo, conseguiron o primeiro premio na categoría de grupos. Non hai que esquecer o bo facer de Saulo Rey, Laura Lojo e Valentín Bonfiglio axudando ao éxito do grupo. Tendo en conta a dificultade das probas e o bo nivel dos outros centros que participaron, sobran os motivos para estar orgullosos do seu traballo. Rock on!!!!!!

Gañadores da XI Olimpiada Xeolóxica

14/02/2020

O equipo de alumnas e alumnos de 1ºBac A que participou na XI Olimpiada Xeolóxica en Santiago de Compostela non puido obter mellor resultado, sendo premiados como primeiros na categoría de equipos e na categoría individual. A xincana práctica e a proba teórica  foron un éxito, destacando o excelente traballo de Laura Lojo e Laura Pego. É un orgullo para o centro o bo facer destes rapaces. Pero quizais o máis importante é a boa experiencia da que desfrutaron ese día con alumnos doutros centros aprendendo xeoloxía. Para que digan que non é divertida!

https://aepectgalicia.wordpress.com/2020/02/16/fase-galega-da-xi-olimpiada-de-xeoloxia-seguimos-batendo-records/

 

A FAUNA DE AGUIEIRA

28/06/2019

As alumnas e os alumnos de 1º de ESO, na materia de Bioloxía, investigaron sobre a fauna da praia da Aguieira. Partiron da observación e reflexión da propia experiencia e da información da cartelería do areal.

Imos aprender con eles!

Comezamos coa píllara. Xa o curso pasado soubemos da necesidade de coidar esta especie na limpeza que fixemos a final de curso, pola información que nos aportara o axente do Servizo de Conservación da Narureza, Antonio Veiras.

PÍLLARAS DAS DUNAS

(Charadrius alexandrius)

A píllara das dunas tamén coñecida como chorlito patinegro pódese encontrar nas nosas costas. Estes animais son orixinarios da costa galega e onde máis se poden encontrar en Galicia é na Costa da Morte. Tamén no noso país se encontran na costa andaluza.

Adoita medir entre 15 e 17 cm de lonxitude. Nos últimos 10 anos a poboación de píllara diminuiu nun 70%. Este 2019 foi proclamado o ano internacional da píllara das dunas e o goberno galego declarou  tomaríanse medidas para previr a extinción desta especie tan singular das nosas costas e praias.

 

OS MEXILLÓNS

(Mytilus edulis)

 

É un molusco bivalvo que vive formando colonias e colonizando grandes zonas de rochas. Péganse mediante os filamentos do biso que se encontra no seu pé. Vive a pouca profundidade na zona de mareas, preferiblemente en zonas moi batidas con moita materia orgánica en suspensión.

AS NAVALLAS

(Ensis ensis)

As navallas son uns moluscos bivalvos cun pé en forma de machada. Acostuman estar en augas pouco profundas e saladas enterradas na área. Alimentase mediante filtración.

 

Son moi usados para a cociña. Curiosindade: alguns estudos demostran que poden usarse para a depuración da auga contaminada.

LLAPRA

(Patella vulgata)

 

A llapra común é unha especie de molusco gasterópodo mariño, de cuncha cónica, comestible aínda que pouco apreciada. Existen varias especies designadas co nome común de llapra.

OS CORVOS MARIÑOS

(Phalacrocorax phalacrocorax)

Os corvos mariños, do xénero Phalacrocorax, son unhas aves, de plumaxe escura, aliméntanse dos peixes que apañan baixo a auga.

Poden mergullarse ata 10 metros, durante máis dun minuto.

As súas plumas son impermeables, o que lles permite afundirse doadamente.

Ao voar regulan o peso dos seus sacos aéreos. Existen unhas 30 especies deste animal, sendo o corvo mariño grande o máis espallado. Vive en lagos, esteiros e nas costas; constrúe o seu niño en árbores.

En certas partes de China empréganse para a pesca.

 

Aquí encóntranse o Phalacrocorax phalacrocorax e o Phalacrocorax carbo.

 

CANGREXO

(Carcinus maenas)

Os cangrexos son moi bos nadadores, corren de lado cando collen velocidade. Aliméntanse de todo o que encontran no fondo do mar, crustáceos, peixes, animais mortos… Tamén son capaces de abrir as cunchas dos bivalvos coas súas fortes patas.

Adoitan ser de cor vermella.

Teñen cinco pares de patas; o primeiro par delas son alargadas, punteagudas e con pequenos dentes. Parécense a pinzas; utilízanas para a captura do alimento, para a defensa e para socializarse. Os seus outros catro pares de patas terminan en punta e utilízanos para camiñar.

CABALO DO DEMO

(Anax imperator)

O cabalo do demo é un insecto fascinante, que se pode adaptar a todos os medios. O seu corpo está dividido en 3 rexións: cabeza, tórax e abdome. Estes insectos teñen unha alimentación carnívora e axudan moito no ecosistema porque se alimentan dos mosquitos e insectos pequenos. Estes individuos encóntranse por todas as partes do mundo a excepción dos Polos.

As súas características físicas son:

-Teñen 6 patas.

-Poséen pezas bucales.

-O seu abdome e alargado.

 

-Teñen uns grandes ollos.

 

AS GAIVOTAS

(familia laridaes)

 

Son aves mariñas da familia Laridaes.

 

As gaivotas máis comúns en Galicia son as gaivotas patiamarillas (Larus michahellis); aliméntanse de animais mariños e vexetais.

Actualmente son unha plaga debido á abundante población desta especie.

Na praia da Aguieira hai 3 tipos diferentes de gaivotas: Larus michaellis, Larus argentalusLarus fuscus; nesta orde nas imaxes:

 

 

 

 

PEARES, INMERSIÓN LINGÜÍSTICA

12/03/2019

Durante tres días, os alumnos de Bioloxía Bilingüe de 3ºESO estiveron completamente inmersos na lingua de Shakespeare no campamento Centropeares, nos Peares, en Ourense. Nesta fermosa vila conflúen os dous ríos máis grandes de Galicia, onde o Sil se encaixona antes de verter as súas augas no Miño. 

Os monitores propuxéronlles unha serie de actividades, algunhas máis académicas e outras máis deportivas, co fin de mellorar a súa competencia lingüística en inglés. E si, segungo a profesora da materiia que organizaou a saída, a inmersión funciona!

 

 

Distribuir contido


by Dr. Radut