Eventos
| Ven | ||
|---|---|---|
Comezan as charlas da asociación antidroga Renacer; organizadas polo departamento de Orientación, forman parte do Plan de Convivencia e o Plan de Acción Titorial. Terán lugar o 5, 6, 7, 13 e 22 de novembro, segundo o organigrama exposto na sala de profesorado.
O GALEGO, A MIÑA LINGUA PROPIA, é a campaña de dinamización social da lingua galega que organiza a área de Normalización Lingüística da Deputación da Coruña e que está a levar polos centros xornalistas, pintores, cineastas, poetas, editoras, músicos.... Son referentes na cultura galega, fixeron e fan da lingua galega e da identidade galega a base dos seus traballos e das súas creacións. Connosco, este martes na biblioteca, estiveron Aldaolado, Lucía Aldao e María Lado. Porque si. Porque son poetas, porque contan en galego, cantan en galego, porque senten e comunican en galego… Porque rin. Porque nos fan rir. Porque conmoven. Porque moven… Entra no blog da biblio, ETIKELES, para ler sobre esta actividade do EDLG, o equipo de biblio e o departamento de Lingua Galega. Conseguiron enganchar o alumando de 4º de ESO!
| ||
