Orientación
OBRADOIRO DE ALIMENTACIÓN SAUDABLE
O alumnado de 1ºESO participou nun “Obradoiro sobre Dieta Mediterránea”. A actividade enmárcase no programa “Aprendemos a cociñar” integrado na campaña Mediterraneamos organizada polo Ministerio de Agricultura, Alimentación e Medio ambiente para o ano 2016.
Preme na imaxe para acceder á galería.
Alumnos e alumnas reflexionaron coa axuda das monitoras sobre a importancia de levar unha alimentación saudable e os elementos que compoñen a pirámide da dieta mediterránea. Despois cada un fixo a súa propia receita, para finalizar cunha sesión de zumba.
PRAZAS NAS RESIDENCIAS XUVENÍS PARA ESTUDAR NO CURSO 2016/2017
Se vas a estudar formación profesional, bacharelato, ensinanzas artísiticas ou estudos universitario en Ourense, Vigo ou Lugo, podes optar a unha praza nunha residencia xuvenil.
O prazo de presentación é de 1 MES contado a partir do día 28 de abril.
Para acceder á solicitude e ó resto de información sobre esta convocatoria, preme no link:
https://sede.xunta.es/detalle-procedemento?codCons=BS&codProc=303B&procedemento=BS303B
DÍA MUNDIAL DA SAÚDE
Para conmemorar o “Día Mundial da Saúde” e promover hábitos de vida saudables o alumnado de 3ºESO participou esta semana nun "Obradoiro de Alimentación e Nutrición" coordinado polo Departamento de Orientación e impartido por persoal voluntario da Cruz Vermella.
NAVEGA CON RUMBO POLO CIBERESPAZO
O alumnado de 1ºESO reflexionou sobre as posibilidades para o lecer e o aprendizaxe que internet ofrece, pero tamén sobre os riscos que pode representar: acceso a contidos non apropiados e contacto con persoas que non son sempre o que semellan ou din ser.
INSCRIPCIÓN A PROBAS DE ACCESO A CM
O prazo de solicitude estará aberto entre os días 4 e 15 abril e a proba terá lugar o día 25 de maio.
Os requisitos para inscribirse son:
-Non cumprir os requisitos académicos esixidos para acceder a ciclos formativos de grao medio e
-Ter 17 anos ou facelos no ano natural de celebración da proba.
Podes descargar a solicitude premendo no arquivo que se achega.
A UNIVERSIDADE DE VIGO VISITA O PEDRA DA AUGA
O alumnado de 2º de Bacharelato solventou as súas dúbidas sobre o acceso aos Graos e as posibilidades que lles ofrece a Universidade de Vigo.
AXUDAS PARA CAMPAMENTOS EN INGLÉS EN GALICIA
A Consellería organiza cursos de inglés en verán para alumnos/as de ESO e Bacharelato. As familias só teñen que achegar unha parte do custe.
O prazo para solicitalos vai do 29 de marzo ata o 28 de abril.
Para máis info:
OBRADOIROS FP BÁSICA
O alumnado de 1ºFP Básica de Electricidade e Servizos Administrativos, participou ao longo do trimestre en dous obradoiros que finalizaron hoxe: "Prevención no Consumo de Drogas" e "Habilidades Sociais" . Ambos organizados polo Departamento de Orientación e impartidos por un membro da Asociación Amaina.
OBRADOIRO DE PREVENCIÓN DO CONSUMO DE DROGAS
Co obxectivo de dar a coñecer as consecuencias físicas, psíquicas e sociais derivadas do consumo das distintas drogas, e valorar positivamente a saúde, o alumnado de 4ºESO, participou ao longo deste mes de febreiro nun obradoiro organizado polo Departamento de Orientación do noso centro e impartido por persoal de Cruz Vermella.
A AUGATECA CELEBRA SAN VALENTÍN
Seguindo unha iniciativa da Augateca, alumnos e alumnas do noso centro, deixaron a súa pegada de amor recordando citas de grandes autores.
Preme na imaxe para acceder á galería.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »