Skip to Content

CURSO 2022/23

SAÍDA DIDÁCTICA AO FESTIVAL DE TEATRO DE LUGO.

Mar, 30/05/2023 - 18:59 — admin

O 7 de marzo tivo lugar, organizada polo Departamento de Latín, unha saída didáctica a Lugo para o alumnado de Latín de 4º de ESO, e 1º e 2º de Bacharelato. Na saída a Lugo o alumnado, e o profesorado acompañante, visitaron o monumento tardorromano de Santalla de Bóveda, a Sala de Exposicións Porta Miñá e o centro de interpretación da muralla. Ademais diso fixeron un percorrido pola muralla e o casco vello de Lugo, e, xa pola tarde, acudiron ao Auditorio Gustavo Freire para asistir á representación da comedia "Os persas" de Plauto, programada no Festival de Teatro Clásico de Lugo.

CONMEMORACIÓN DO 8M: DÍA DA MULLER COA EXPOSICIÓN "RETRATOS".

Mar, 30/05/2023 - 18:26 — admin

 

 

Como cada 8M desde o EDLG e o Equipo da Biblioteca do IES Monte das Moas homenaxeouse, ao longo do mes de marzo no vestíbulo do noso instituto, ás mulleres traballadoras desta volta cunha magnífica  exposición de "Retratos de Mulleres", onde as mulleres retratadas (personaxes históricos, personaxes de obras de arte...) teñen un "asombroso parecido" con algunhas das alumnas, profesoras e persoal non docente do noso centro. Moitas grazas a todas elas por retratarse de forma tan fermosa e reivindicativa.

EXPOSICIÓN DE TRABALLOS DE LIÑAS DO TEMPO DO RENACEMENTO.

Mar, 30/05/2023 - 14:11 — admin

No mes de marzo de 2023 tivo lugar unha exposición de traballos, realizados nas clases de Xeografía e Historia, do alumnado de 3º de ESO no Espazo Expositivo do noso centro. Os traballos eran liñas do tempo que recollían os principais acontecementos, personaxes e fitos históricos, culturais e artísticos do período do Renacemento.

Aquí tedes un video elaborado polo EDLG e o Equipo da Biblioteca sobre a exposición:

 

VISITA Á DOMUS DO ALUMNADO DE BIOLOXÍA DE 2º DE BACHARELATO.

Mar, 30/05/2023 - 13:22 — admin

O luns 6 de marzo o alumnado de Bioloxía de 2º de Bacharelato realizou unha visita ao Museo científico da DOMUS da Coruña, organizada polo Departamento de Bioloxía e Xeoloxía. O alumnado visitou as salas de exposicións e o Laboratorio de PCR, onde realizou diversas pácticas, tal como se pode observar nas fotografías do documento adxunto.

EXPOSICIÓN DO XVII CONCURSO DE FOTOGRAFÍA XURXO LOBATO.

Mar, 30/05/2023 - 13:14 — admin

No mes de febreiro estivo exposta no vestíbulo do noso instituto unha exposición fotográfica que recollía algunhas das obras presentadas e premiadas no 17º CONCURSO DE FOTOGRAFÍA XURXO LOBATO.

FESTIVAL DE ENTROIDO.

Lun, 29/05/2023 - 22:33 — admin

 

 

O venres 17 de febreiro recuperouse a normalidade prepandemia na celebración do tradicional Festival de Entroido do IES Monte das Moas. O festival tivo unha participación masiva de alumnado, profesorado e persoal non docente e, a pesares dalgúns pequenos problemas técnicos, finalmente solventados grazas ao alumnado de 2º de Bacharelato e a Antonio Galán, xefe do departamento de Tecnoloxía, se puido celebrar en plenitude tan magnífico e lúdico acontecemento. No festival, organizado polo alumnado de 2º de Bacharelato, participaron 14 grupos ou comparsas,  e actuacións individuais ou por parellas, de distintos cursos, ademais dunha comparsa "gótico/siniestra" do profesorado. A ANPA colaborou coa financiación dos tradicionais premios de filloas, orellas e bolechas. O grupo ou comparsa triunfador do concurso foi "Las MonsterHigh", composta polas alumnas de 3º de ESO, Dana Viñán, Jeismar Burgueza, Stephany Barreto, Anita Rico, Oriana Bellorin e Peace Barnabas. que coreografiaron maxistralmente a canción "Uptown Funk". En paralelo ao festival o alumnado de 4º de ESO vendeu viandas e larpeiradas para financiar a viaxe de fin de curso.

Se queredes ver un video resume do festival de Entroido, elaborado pola nosa compañeira Anxos Fuciños, debedes premer na seguinte

LIGAZÓN

Aquí tedes unha selección de fotografías da festa:

 

EXPOSICIÓN "RETRATOS MANGANIZADOS".

Lun, 29/05/2023 - 22:30 — admin

No mes de febreiro desenvolveuse no Espazo Expositivo do centro, organizada polo Departamento de Debuxo, a exposición "Retratos manganizados" con traballos do alumnado de Educación Plástica de 3º de ESO. Os traballos baseáronse nunha transformación en estética do manga de retratos de grandes artistas, de personaxes históricos, de personaxes famosos reais ou de ficción e de obras de arte moi representativas da Historia da Arte occidental.

CHARLA DE FÍSICA E QUÍMICA PARA O ALUMNADO DE 4º DE ESO.

Lun, 29/05/2023 - 22:10 — admin

O venres 24 de febreiro o alumnado de Física e Química de 4º de ESO acudiu a unha charla organizada polo Departamento de Física e Química no Salón de Actos do noso centro.

CHARLA SOBRE FP DUAL.

Lun, 29/05/2023 - 22:03 — admin

O xoves 23 de febreiro tivo lugar no Salón de Actos do noso centro unha charla, organizada polo Departamento de Orientación,  formativa sobre a FP DUAL para alumnado interesado de 4º de ESO e dos dous cursos do Bacharelato.

OBRADOIRO DE IMPRESIÓN 3D.

Lun, 29/05/2023 - 21:52 — admin

No mes de febreiro tivo lugar no Taller de Tecnoloxía do noso instituto un obradoiro de 3D para o alumnado do Bacharelato de Ciencias de 1º e 2º de Bacharelato que cursan Debuxo Técnico e Tecnoloxía e Enxeñaría organizado polos Departamentos de Debuxo e Tecnoloxía.

Distribuir contido


by Dr. Radut