Experiencia 1

En primeiro lugar comprobamos a dependencia da presión do gas co volume que ocupa. Enchemos un recipiente cunha cantidade fixa de gas (número de moles), mantemos constante a temperatura e variamos o volume, medindo a presión do gas.

Datos obtidos	Representación gráfica	Conclusións
V (l) P (atm) 1 4 2 2 3 1,33 4 1 5 0,8	Variación da P co V. Raquel Rendo. Commons Wikimedia. CC BY-SA-NC 4.0	Da análise dos datos e a súa representación gráfica podemos deducir que a presión e o volume son magnitudes inversamente proporcionais: ao facer o volume o doble a presión redúcese a metade; ao facer o volume o triple, a presión redúcese a terceira parte, etc... Isto exprésase en matemáticas mediante a función y=k/x ou o que é o mesmo: \[P\cdot V=k_{1}=cte\; \;\; ou\; \; \; P=k_{1}\frac{1}{V}\]

Comprobamos pois que os valores do produto (P·V) toman o mesmo valor (neste caso sempre é 4) e enunciamos a lei de Boyle: "A temperatura constante, para unha determinada cantidade de gas, o produto presión por volume permanece constante".

Lei de Boyle (en video)

Ruben Sebastian. Ley de Boyle-Mariotte. En Youtube. Licencia Estándar de YouTube.

Experiencia 2

Nesta experiencia comprobamos a relación entre a presión do gas e a temperatura, mantendo constante o volume e a cantidade de gas.

Datos obtidos	Representación gráfica	Conclusións
T (ºC) T (K) P (atm) -200 73 0,5 -100 173 1,2 0 273 1,9 20 293 2 100 373 2,5 200 473 3,2 300 573 3,9	Variación da P ca T. Raquel Rendo. Commons Wikimedia. CC BY-SA-NC 4.0	Da análise dos datos e a súa representación gráfica podemos deducir que a presión e o volume son magnitudes directamente proporcionais e que, se a prolongamos, a recta que une os datos pasa pola orixe de coordenadas.  Isto exprésase en matemáticas mediante a función y=k·x ou o que é o mesmo: \[P=k_{2}\cdot T\]

O resultado desta experiencia leva a enunciar a lei de Gay-Lussac: "A volume constante, para unha determinada cantidade de gas, a presión depende directamente da temperatura".

Lei de Gay-Lussac (en video)

Ruben Sebastian. Ley de Gay-Lussac. En Youtube. Licencia Estándar de YouTube.

Experiencia 3

Nesta ocasión analizamos a dependencia entre o volume a temperatura: introducimos unha determinada cantidade de gas nun recipiente, mantemos constante a presión, e varíase a temperatura para ver como cambia o volume do gas.

Datos obtidos	Representación gráfica	Conclusións
T (K) V (l) 73 1 173 2,3 273 3,7 373 5,1 473 6,4	Variación do V ca T. Raquel Rendo. Commons Wikimedia. CC BY-SA-NC 4.0	De novo a relación entre a temperatura e o volume é lineal, polo tanto: \[V=k_{3}\cdot T\]

Lei de Charles (en video)

Ruben Sebastian. Ley de Charles. En Youtube. Licencia Estándar de YouTube.

Lei  ou ecuación de estado dos gases ideais

A partir das tres experiencias anteriores e as tres leis que se enunciaron a partir delas: Boyle, Gay-Lussac e Charles, podemos enunciar a lei ou ecuación de estado dos gases ideais: para un número de partículas de calquera gas, o producto da presión polo volume dividido entre a temperatura absoluta do gas é unha constante.

	\[\frac{P\cdot V}{T}=cte\]
Ruben Sebastian. Ecuación o Ley general de los gases ideales. En Youtube. Licencia Estándar de YouTube.