A formación profesional é un conxunto de accións formativas que capacitan para o exercicio dunha profesión, preparan para o acceso ao emprego e facilitan a adaptación ás modificacións laborais que se poidan producir ao longo da vida.
A formación profesional actual ofrece unha base sólida xeral e unha especialización acorde co mercado laboral e co coñecemento práctico das novas tecnoloxías. Unha das claves destes estudos é a conexión entre o mundo educativo e o mundo produtivo, aspecto que se trata de garantir combinando a formación no centro educativo coa formación nas empresas.
Así, o alumnado de Formación Profesional realiza actividades formativas nas empresas (formación en centros de traballo, ou FCT), o que lle proporciona o complemento da práctica real á formación recibida.
A día de hoxe contamos con múltiples niveis de ensinanzas de FP:
- Grao Básico
- Grao Medio
- Grao Superior
- Cursos de Especialización
Para saber máis sobre a Formación Profesional pincha na imaxe que podes ver a continuación, a cal te levará á paxina web da FP en Galicia.
Nesta web atoparás información detallada sobre elementos como:
- FOLLETOS INFORMATIVOS DOS CICLOS QUE EXISTEN
- INFORMACIÓN SOBRE ADMISIÓN AOS DISTINTOS CICLOS
- BUSCADOR DE CICLOS E CENTROS NOS QUE SE IMPARTEN
- PROBAS DE ACCESO Á FP PARA PERSOAS QUE NON TEÑEN A TITULACIÓN NECESARIA
No caso de estar bucando unha formación máis práctica que che permita traballar nunha empresa e obter unha retribución ao tempo que estudas, pode que a Formación Profesional Dual sexa o que precises. Na seguinte imaxe podes acceder á información sobre esta modalidade.
Co obxectivo de que toda persoa interesada teña oportunidade de cursar o Ciclo de FP que desexe con independencia das súas posibilidades económicas, o Ministerio de Educación pon a disposición Becas para estudar ensinanzas de Educación Secundaria Postobligatoria. Toda a información sobre ditas axudas económicas están dispoñibles no apartado correspondente ao que podedes acceder pinchando na seguinte imaxe.
Outro recurso á vosa disposición son os Centros Residenciais Docentes, lugares que funcionan como residencias para estudantes que cursan FP procedentes de municipios nos que non se oferta o Ciclo de FP que desexan cursar.
Os centros sitúanse nas cidades da Coruña, Ourense e Vigo. As prazas son limitadas e o seu prezo é variable en función do nivel de renda familiar do usuario, habendo prazas totalmente gratuitas e outras nas que o prezo anual irá dede 635€ ata 2319€ como máximo (no pasado curso).
Entre os requisitos para acceder a unha destas resedencias están:
- Estar matriculada en estudos postobrigatorios.
- Que o ciclo formativo non se imparta na localidade de residencia habitual do solicitante nin nun municipio próximo ao que se poida desprazar diariamente con facilidade.
- Formular a solicitude de praza en tempo e forma. A modo orientativo, no pasado curso o prazo rematou o 1 de agosto.
Para saber máis sobre as condicións de vida nestas Residencias, coñecer as súas, posibilidades, instalacións, normas e actividades podedes consultar a páxina web de cada un deles, as cales vos achego a continuación.