As ensinanzas Artísticas e Deportivas son ensinanzas de réxime Especial que complementan a oferta educativa de Galicia co obxectivo de promover unha formación específica en ámbitos concretos como a música, a danza, o deseño ou diversas modalidades deportivas.
Son ensinanzas diferentes ás de Formación Profesional ou ás Universitarias, polo que a súa organización e as condicións de acceso son tamén peculiares para cada unha delas. Vexamos pois cal é a oferta das diferentes ensinanzas.
ENSINANZAS DEPORTIVAS
As ensinanzas deportivas teñen como obxectivo formar aos futuros profesionais do mundo do deporte, existindo títulos de técnico e técnico superior en múltiples modalidades deportivas (fútbol, fútbol sala, atletismo, balonmán, baloncesto, vela, hípica, deportes de inverno, montaña, salvamento e socorrismo, judo e defensa persoal, mergullo deportivo, piragüismo...).
Para acceder é preciso ter o título da ESO (técnico medio) ou Bacharelato (técnico superior), así como superar unha proba específica sobre o deporte en cuestión. Para saber máis, pincha nos seguintes enlaces:
OFERTA DE ESTUDOS DEPORTIVOS INFORMACIÓN SOBRE O ACCESO
ENSINANZAS DE MÚSICA
Ensinanzas Profesionais de música.
Impártense en Conservatorios, sendo o máis próximo ao noso centro o de Viveriro. Na web do conservatorio dispoñedes de información sobre as especialidades que oferta e do procedemento para acceder (pinchar na imaxe).
Ensinanzas Superiores de música (equivalentes a Grao Universitario).
En Galicia existen as especialidades de Interpretación, Composición, Direción, Pedagoxía, Musicoloxía e Produción e Xestión. Ditas especialidades divídense entre o Conservatorio Superior de música de Vigo e o da Coruña. Para acceder é necesario estar en posesión do título de bacharelato (ou superar unha proba de coñecementos) e superar unha proba específica da especialidade á que se desexa acceder. Para máis información pinchar nas imaxes que seguen:
ENSINANZAS DE DANZA
Ensinanzas profesionais de Danza.
En Galicia é posible cursar ensinanzas profesionais de Danza Clásica e Danza Contemporánea. É preciso superar unha proba específica para o acceso. Os centros que imparten estas ensinanzas son:
Conservatorio profesional de Danza de Lugo
Conservatorio profesional de Danza da Deputación da Coruña
*En Galicia non se imparten ensinanzas Superiores de Danza.
ENSINANZAS DE ARTE DRAMÁTICA
Ensinanzas Superiores de Arte Dramática.
Estas ensinanzas equivalen a o título de Grado Universitario e impártense na Escola Superior de Arte Dramática de Galicia, onde se ofertan as especialidades de Dirección Escénica e Dramaturxia, Escenografía e Interpretación. Para acceder é preciso ter o título de Bacharelato (ou facer unha proba de coñecementos) e superar unha proba específica da especialidade. Para máis información pinchar na seguinte imaxe.
ENSINANZAS DE ARTES PLÁSTICAS E DESEÑO
Ensinanzas Profesionais de Artes Plásticas e Deseño.
- Ciclos formativos de Grao Medio
- Ciclos formativos de Grao Superior
Para coñecer toda a oferta das ensinanzas profesionais pinchar AQUÍ
Ensinanzas Superiores de Artes Plásticas ou de Deseño.
Equivalentes a grao universitario, en Galicia só se ofertan ensinanzas superiores de Deseño nas modalidades de Moda, Produto, Gráfico ou de Interiores. Para saber as escolas nas que se imparten estes graos, podedes seguir o seguinte ENLACE.
Para máis información sobre as ensinanzas de Artes Plásticas e Deseño, consultar a guía da Rede de Escolas de Arte e Superiores de Deseño de Galicia que vos deixo a continuación (facendo click na imaxe). Nela atoparedes información detallada sobre cada tipo de ensinanzas, acceso, posibilidades de futuro...
ENSINANZAS DE CONSERVACIÓN E RESTAURACIÓN DE BENS CULTURAIS
Grao en Conservación e Restauración de Bens Culturais
Estes estudos son equivalentes aos de Grao Universitario e impártense na Escola Superior de Conservación e Restauración de Bens Culturais de Galicia. Durante 2 anos abórdase unha formación básica e nos 2 últimos cursos o alumnado debe seleccionar unha especialidade de entre as seguintes: Arqueoloxía, Escultura ou Pintura.
Para acceder é necesario ter o título de bacharelato e superar unha proba específica. Toda a información está dispoñible na web Escola, á que se acceder pinchando na imaxe inferior.
