Taboleiro

O futuro comeza con Matrícula de Honor

 

Parabéns ás tres mozas e un mozo que co seu esforzo foron quen de superar todos os obstáculos e levan o noso recoñecemento en forma de nota, aquela que os distingue por riba de toda media posible. Desexámosvos que sigades brillando con esa luz propia nun firmamento rutilante. Non deixedes nunca de perseguir os vosos soños!

Estela Fidalgo Garra

Laura Sofía Machado González

Andrés Eduardo Machado González

Mª José Presas Gimbutis

 

Non esquecemos darlle os parabéns a toda a xeración 2009-2015 que rematan os seus estudos no IES Laxeiro. Foi un pracer compartir aulas convosco todos estes anos. Que vos vaia bonito!!!

 

O noso Renacuajo fallou! pero non importa, pasámolo ben...

O pasado venres 24 de abril, fomos participar ao I Concurso de Robótica a Escola de Enxeñería Industrial en Vigo.

Levábamos dous Robots Sigue Líneas que funcionaban moi ben...

Decidimos que participara o Renacuajo e debeulle temblar as pernas... na última recta parouse!

De todos xeitos íamos ser terceiro ou cuarto, no caso mais favorable... Os rivais foron dignos.

Aprendemos que o importante é participar! Pasar, pasámolo ben, outra vez será!

 

...mirade o vídeo!

 

    ...e mirade as fotos!

 

Ler mais: Faro de Vigo - Noticia

 

 

...E Coruña tremeu


O LAXEIRO : PERIODISTAS E SOLDADOS.

 

Os alumnos de 3º y 4º PDC  e o grupo de 2º de ESO C visitaron o 14 de abril as instalacións da Voz de Galicia no polígono de Sabón. Pasearon pola redación do periódico, polos enormes almacéns de papel da empresa e contemplaron a rotativa de dúas plantas e de 24 metros de largo onde se crean cada noite os máis de 120.000 exemplares do periódico que diariamente saen desta planta coruñesa. Tamén visitamos o museo Santiago Rey Fernández La torre. Alí  os alumnos  puideron ver periódicos de todos os rincóns do  mundo  e cabeceiras de  épocas  remotas . Tamén botaron un ollo ao  periódico galego máis antigo: O Catón Compostelano de 1800, unha xoia periodística que o museo contén.

Pola tarde e tras unha breve concesión ao ocio por Marineda …ejem, ejem… aproveitamos o bo día de primavera e nos paseamos polo Paseo do Parrote e polo peirao de trasatlánticos. Ata vimos zarpar un…

Ás 4 da tarde armados cos nosos uniformes dezanos xogamos a ser soldadiños no Castelo de San Antón. O Castelo é pequeno, pero non quedou un recuncho sen visitar dende o alxibe ata o torreón.

O día deu para moito e ata fomos quen de perder unha pelota de fútbol que tivemos que deixar aboiando nas augas do porto da cidade. Os do Laxeiro somos únicos …

Para fotos do superevento, clica aquí.

No IES Laxeiro tamén celebramos o Día de Rosalía

[24 de febreiro] Tamén no IES Laxeiro celebramos o Día de Rosalía.

Sumámonos á proposta da AELG de celebrar o Día de Rosalía cun vídeo para conmemorar e celebrar o Día de Rosalía.

-

No IES Laxeiro pintamos moito!

 

 

 

 

 

 

 

 Estamos de noraboa!

A nosa alumna Noelia Vázquez Val de 1º ESO C, resultou galardoada co 1º premio na categoría infantil do IX Concurso de Pintura Fefriga coa súa obra "A seitura".

Felicidades tamén a Anabel Ramos Bendoiro -de 3º ESO- polo seu 5º premio na categoría junior co seu traballo "Mountain Cow".

Obradoiro de televisión para a educación en valores con alumnado do IES Laxeiro

Remata en Lalín o obradoiro de televisión para a educación en valores con alumnado do IES Laxeiro

Teatrofórum e unha exposición son outras das actividades que continuarán a desenvolverse no marco do proxecto Escolas sen Racismo de ACPP e AgaresoObradoiro TV

19 de febreiro de 2015.- O obradoiro de televisión para a educación en valores promovido pola ONGD Asemblea de Cooperación pola Paz (ACPP) e a Asociación Galega de Reporteiros Solidarios (Agareso) remata hoxe no IES Laxeiro (Laxeiro). Esta actividade de educación e comunicación para o desenvolvemento encádrase no movemento europeo Escolas sen Racismo, que engloba a máis de 500 centros educativos, e faise pública na xornada previa ao Día Mundial da Xustiza Social, que se conmemora mañá venres.

 

Mastigamos saúde...

O vindeiro luns 23 de febreiro continuaremos no Laxeiro co segundo periodo de reparto de froita durante os recreos para todo o alumnado do Centro; xa sabedes, a froita estará na entrada do pavillón A.

Trátase dun programa promocionado e subvencionado polo Fondo Galego de Garantía Agraria, (FOGGA), e desde o noso Centro queremos recordarvos a necesidade de manter unha vida sá que se consegue cunha boa alimentación acompañada de exercicio físico diario.

Pantallas Amigas e o IES Laxeiro xuntos para combatir o "Ciberbullying".

Será o día 4 de febreiro no Salón de Actos do IES Laxeiro onde este grupo que cumple agora dez anos de traballo, dará a coñecer as súas experiencias  e iniciativas que teñen como misión a promoción do uso seguro e saudable das novas tecnoloxías e o fomento da cidadanía dixital responsable na infancia e na adolescencia.

O ciberbullying é uha prioridade para PantallasAmigas que xa no 2006 publicou a súa primera guía sobre o asunto. Un grupo que conta co apoio de EDEX , organización non lucrativa de acción social con máis de 40 anos de traxectoria no  impulso do desenvolvemento integral da infancia e a adolescencia.

EDEX é unha organización sen fins de lucro, independente e profesional, comprometida coa acción socioeducativa que naceu en Bilbao en 1973.

O "Ciberbullying" é unha prioridade para Pantallas Amigas que xa publicou en 2006 a súa primeira guía sobre este asunto.

Decálogo por la ciberconvivencia positiva y contra la violencia digital

Unha actividade que dada a súa importancia vai a estar dirixida tanto ao alumnado do centro coma ás/aos nais/pais que así o desexen.

O horario para o alumnado será pola mañá desde as 11:00 horas ata ás 14:30 e pola tarde desde as 16:00 ata as 18:40 horas.

O horario para pais e nais de alumnos será ás 20:00 horas no Salón de Actos do instituto.

Dada a importancia desta problemática actual agardamos que sexa do interese de toda a Comunidade Educativa

 

Convocadas as probas libres para os títulos de Bacharel e Graduado en Educación Secundaria

[21/01/2015] Con data de hoxe veñen de publicarse as convocatorias de probas libres tanto para Bacharel como para a obtención do Graduado en Educación secundaria. Nos arquivos adxuntos tendes toda a información, recordando que tamén podedes acudir ao portal da xunta www.edu.xunta.es para máis consultas e modelos de probas de anos anteriores (Clic Aquí).

 - Aviso de probas libres da ESO

 - Aviso de probas libres para Bacharel

 - Convocatoria de Probas libres ESO

 - Convocatoria de Probas libres Bacharel

 - Impreso de inscripción probas libres ESO

 - Impreso probas libres Bacharel

 Para mais información ->  (Clic Aquí).

Sorteo Cesta de Nadal pro "Viaxe fin de curso"

Efectuado o sorteo da Cesta de Nadal o venres día 19 no Salón de Actos do IES Laxeiro , comunicar que o número premiado foi o

                                                                                    2429

noraboa para o afortunado/a e para todos/as

 

                                                     ¡Bo nadal e feliz aninovo!

 

Distribuir contido