IES Isaac Díaz Pardo

Prezadas familias:

Facémosvos chegar o formulario no que podedes darvos de alta/renovar como socios da ANPA para o curso 2024/25.

Animádevos a formar parte da asociación, coa que pretendemos facilitar a colaboración entre nais e pais co centro escolar, e entre todos crear un entorno educativo máis positivo e enriquecedor para as nosas fillas e fillos.

LIGAZÓN AO FORMULARIO

Importante:
A alta só será efectiva unha vez efectuado o pago da cota anual: 20 €.
Datos para realizar o pago:

• Nº de conta: IBAN ES09 2080 0035 1330 4004 0960 de Abanca (non temos bizum)
• Titular: Asociación Anpa As Brañas
• Concepto: COTA ANUAL + nome e apelidos da alumna/o (No caso de máis dunha alumna/o, podedes poñer o de máis idade)

Data límite da alta: 31/08/2024

As altas realizadas fóra desta data non se beneficiarán do acceso ao banco de libros.

Non obstante, o alta como familia socia non garante a dispoñibilidade de libros de texto do banco de libros da Anpa.

Atentamente

A Xunta Directiva da Anpa As Brañas

Despois de defender o proxecto ante o xurado da fase nacional das II Olimpíadas de Teleco, o 14 de xuño nunha cerimonia en liña, comunicáronse os gañadores dos premios das diferentes categorías.
​O equipo formado por Inés Abuín, Uxía Bernárdez, Iago Fernández, Daniel Martínez, Elías Porral, Martín Santos, Luis Álvarez e Iago Guerra alzouse co primeiro premio (mellor proposta técnica da categoría Bacharelato) co seu proxecto LIXOANDGO. O proxecto foi coordinado pola súa profesora de Tecnoloxía e Enxeñería I, Patricia Iglesias, que alzouse co premio ao docente.

Máis información:
https://olimpiadasteleco.com/las-ii-olimpiadas-nacionales-teleco-games-premian-las-mejores-soluciones-tecnologicas-aplicadas-a-la-salud-y-el-bienestar-creadas-por-estudiantes-de-toda-espana/
https://novaciencia.es/estas-son-las-soluciones-tecnologicas-aplicadas-a-la-salud-y-el-bienestar-creadas-por-estudiantes-de-toda-espana-premiadas-en-la-ii-olimpiada-nacional-de-telecos/

Premios extraordinarios de ESO ao rendemento académico correspondentes ao curso 2023/24

Requisito: Ter obtido no conxunto dos catro cursos de educación secundaria obrigatoria unha nota media igual ou superior a 9,00 puntos. A nota media calcularase de acordo co establecido no artigo 29.2 da Orde do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia (DOG núm. 183, do 26 de setembro).

A forma máis aconsellable de cubrir as solicitudes é mediante o emprego da aplicación PremiosEdu.

Posto que na meirande parte dos casos o alumnado é menor de idade non emancipado, nas solicitudes debe constar como representante un dos seus pais, nais ou titores/as legais, que ademais asinará as solicitudes. 

 O prazo de presentación de solicitudes será dun mes; comezará o día 7 de xuño de 2024 e rematará o día 8 de xullo de 2024.

 Acceso á aplicación e consulta de probas de cursos anteriores.