Curso 2023-2024

A nosa Aula de teatro recibiu o 3º Premio Boas Prácticas de Educación Inclusiva 2023.

Afonso García, creador da Aula de teatro solidario e inclusivo, recolleu o premio o día 28 de novembro, xunto coa directora, Olga Simón, no Congreso Internacional de Educación Inclusiva que se celebrou en Santiago.

Ambos participaron como relatores no congreso explicando aos asistentes este proxecto que dirixen Afonso García e Xosé Eixo e que conta coa participación de alumnado, profesorado, persoal non docente, familias, asociacións e concello.

Parabéns polo magnífico traballo!

Na entrada do centro instalouse un Ecopunto no que podedes depositar diferentes materiais para a súa reciclaxe.

Por segundo ano consecutivo o Equipo da Biblioteca e o EDLG convocaron este concurso que volveu ten unha grade acollida por parte do alumnado.

Grazas polas vosas aportacións, a decisión do xurado foi moi difícil!

Este xoves, 23 de novembro, comezou o club de ciencia do IES de Cacheiras, onde rapazas e rapaces dende 1º de ESO ata 1º de Bacharelato van descubrir nos laboratorios do centro e nos arredores o comportamento da natureza na que vivimos.

Este ano ímolo dedicar a luz como eixo central, e imos desenvolver todo tipo de experiencias relacionadas ca luz dende a Bioloxía e Xeoloxía, a Tecnoloxía, a Física e Química e as Matemáticas.

Pero todo iso terá que agardar un anaco, xa que o primeiro que nos puxemos a preparar foi un deseño para un logo que terá que ser a nosa seña de identidade para todo o centro. Agardamos con ganas a próxima xuntanza do club para  poñernos cuns pequenos experimentos de óptica que nos permitan comezar a nosa aventura!

Con motivo da celebración do Mes da ciencia en galego, podes achegarte á nosa biblioteca para ler ou levar prestada algunha das recomendacións lectoras do equipo da biblioteca.