O martes 20 de decembro o alumnado de 4º de ESO encargado da horta ecolóxica comezou o proceso de elaboración de compost a partir de restos orgánicos, co obxectivo de ter un abono adecuado para os cultivos, ademais de demostrar deste xeito o que se pode facer co lixo orgánico favorecendo o proceso natural de reciclaxe da materia.
Utilizando un composteiro instalado por eles a tal efecto, foron colocando ramas no fondo e despois capas de follas e herba e de residuos domésticos de xeito alternativo.
Se todo vai ben, dentro de uns meses teremos un excelente (e barato) abono ecolóxico.

A partir da 3ª semana de decembro, estívose a facer a sementeira de landras de carballo e outras sementes de árbores actóctonas con alumnado de todos os cursos da ESO e máis de de bacharelato.
Reutilizando recipientes que foron traendo das súas casas os alumnos e alumnas do IES,  levaron a cabo esta tarefa, deeixándoos logo no invernadoiro.
Esperamos que en breve agromen as plantiñas e teñamos bos exemplares para facer a repoboación!

O alumnado que se vai encargar do proxecto de realizar un pequeno horto ecolóxico no invernadoiro está a cursar 4º de ESO. Trátase dun grupo de 10 estudantes e estes son os seus nomes:

Adrián Amor, Thalia Bustelo, Jacobo Esparís, Victoria Fernández, Julián Fontáns, Jorge Garabal, Alba Lamas, Adrián Noya, Raquel Quiñoy e Celeste Tojo.