Reis 2021/22
CON MOITO GUSTO
Que importante é a educación emocional, e que ben a traballaron con nós Sabela e Lucía! Estiveron na nosa escola 2 xornadas cunhas actividades moi enriquecedoras, e que nos deron moito que razonar e debater. Comenzaron co conto de "Kiko e a man" e falaron do que son as partes íntimas. Tratáronse varios puntos a través de varias historias con títeres : - Ninguén che pode tocar as túas partes íntimas, soamente algunhas persoas poden facelo, como por exemplo os pais e persoas coidadoras, ou para asearnos.
- Debemos diferenciar entre "segredos bos" e segredos malos", que son os que NON nos fan sentin ben. Esos hai que contalos SEMPRE.
- É normal sentir curiosidade e xogar a "xogos de médicos", ( trátase de algo natural), pero sempre debe ser con nenos e nenas de igual idade, nunca con persoas máis maiores ou máis pequenas que nós. O xogo sempre debe ser voluntario, ninguén debe obrigarnos a xogar a algo que non queremos. Se temos dúbidas o mellor sempre é falar con un ou varios adultos.
|
Na primeira sesión vimos que todos os corpos son distintos: uns somos máis altos, máis fracos, máis grosos, máis baixos, loiros, morenos, etc. E igual que hai variedade de caras, de ollos ou de pernas, existen variedade de penes de vaxinas e de órganos intersexuais, que son aqueles que non coinciden co estrictamente masculino ou femenino. Ser intersexual significa que naces cunha variación que ocurre de forma natural nos seres humanos, non se trata de ningún problema médico. Estímase que un 1,7 por cento da poboación, porcentaxe similar ás persoas rubias (pelirroxas) no mundo, teñen variacións das características sexuais. É moi importante coñecer e respetar todas as diferencias, xa que todos somos distintos e iguais ao mesmo tempo.
|
Contacontos para a Semana do Libro
A todas as crianzas lles fixo moita ilusión que as mamás viñesen á escola a contarnos un conto. Verónica, contounos "Viaxes da tortuga e a formiga", Patricia narrounos unha historia real sobre un corvo que se fixo amigo da familia, e que bautizaron como Merlín. Sonia deleitounos co libro "O xigante segredo do avó" e Amalia, a nai de Mar leu "Garavanciño".
|
Iolanda veu cargada coa súa guitarra e amenizou a historia de Baldras o xigante, unha historia escrita por ela. Moitas grazas a todas por compartir con nós! "O xigante xa está aquí, na nosa terra de Vilapedra, non lle teñas medo non, é noso amigo de corazón".
|
A horta en Reis
Esta primavera toca prantar: tomates cherry, berenxenas, cabaciños, leitugas e remolachas.
|
5 ABRIL: XOGOS DO MUNDO CON BIOSBARDOS
OBRADOIRO "XOGOS DO MUNDO" |
Este obradoiro foi creado co fín de dar a coñecer os xogos de taboleiros, billares tradicionais e xogos pedagóxicos entre outros , orixinarios de paises e culturas distintas da nosa e incluso doutras épocas . Preséntase como un gran espazo, repartido por áreas de xogo, onde os participantes poderán experimentar xogos achegados dos 5 continentes.
|
Plantando un carballo. Agasallo da nosa Anpa.
O día 21 de marzo celébrase o día da árbore, e este ano a nosa Ampa tivo o fermoso detalle de agasallar a cada crianza do Cra cun pequeno carballo.
|
FESTA DE PASCUA E PRIMAVERA
Porque estamos contentos, porque chegou a primavera , e porque nos imos de vacacións de Pascua, organizamos unha festa!!! Disfrazámonos, decoramos, maquillámonos, fixemos un biscoito e ¡bailamos moito moito!
|
Semana da Biblio segundo trimestre 2022
A derradeira semana de marzo, celebramos na escola, pois todavía non podemos reunirnos en Aido, a actividade da biblioteca. O equipo da biblio elaborou unha actividade LIM interactiva sobre o conto "O peizoque Roque" e outra máis manual onde o alumnado propoñía palabras fermosas igual que no conto e que se ían añadindo os ovos dunha bubela ata confeccionar unha especie de atrapasoños moi especial.
|
O experto Nacho Munilla visita ao Cra.
Estamos moi agradecidos de que unha persoa tan involucrada e experta en biodiversidade e temas relacionados co medio ambiente, teña un momento para adicarnos e amosarnos todos os seus coñecementos e o seu "saber ser". Graciñas Nacho!!!
|
Maleta literaria: Contos ecolóxicos
O Centro de Recursos do Ceida, enviounos unha maleta literaria cunha serie de contos que traballan distintos aspectos e valores de coidado mediambiental. |
DÍA DA MULLER
Cada unha das crianzas tivo moi moi claro cales son as mulleres máis importantes da súa vida: mamás, avoas, tías, irmáns, amigas ou mestras...
|